ବାଲିଗୁଡ଼ା: ଶାଗ ତୋଳା ହେଲା କାଳ । ସଜନା ଗଛରୁ ପଡ଼ି ଯୁବକ ଗୁରୁତର । ଏଭଳି ଏକ ଅଭାବନୀୟ ଘଟଣା ଘଟିଛି କନ୍ଧମାଳ ଜିଲ୍ଲା ବାଲିଗୁଡ଼ା ବ୍ଲକ୍ ଦିଗିପଡ଼ି ଗ୍ରାମରେ । ଘଟଣା ପ୍ରକାରେ ଆଜି ଅପରାହ୍ନରେ ଦିଗିପଡ଼ି ଗ୍ରାମର ବିଷ୍ଣୁ ମଲ୍ଲିକ ନାମକ ଜଣେ ଯୁବକ ନିଜ ବାଡ଼ିରେ ଥିବା ସଜନା ଗଛରୁ ଶାଗ ତୋଳିବାକୁ ଗଛରେ ଚଢ଼ିଥିଲେ । ଗଛର ଡାଳ ଭାଙ୍ଗିଯିବା ଫଳରେ ବିଷ୍ଣୁ ତଳେ ପଡ଼ି ଗୁରୁତର ଆହତ ହୋଇଯାଇଥିଲେ । ପରିବାର ଲୋକେ ବିଷ୍ଣୁଙ୍କୁ ଗୁରୁତର ଅବସ୍ଥାରେ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଇଥିଲେ । ତାଙ୍କ ମେରୁ ହାଡ଼ରେ ଗୁରୁତର ଆଘାତ ଲାଗିଥିବା ବେଳେ ପ୍ରାଥମିକ ଚିକିତ୍ସା ପରେ ଡାକ୍ତର ବିଷ୍ଣୁଙ୍କୁ ବ୍ରହ୍ମପୁର ବଡ଼ ମେଡ଼ିକାଲକୁ ସ୍ଥାନାନ୍ତର କରିଥିବା ଜଣାପଡ଼ିଛି ।
