ତେନ୍ତୁଳିଖୁଣ୍ଟି,୨୧/୧୦- ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ କଣ୍ଟାଗାଁ ଭାରତୀୟ ଷ୍ଟେଟ ବ୍ୟାଙ୍କ ନିକଟରେ ଦୁଇ ବାଇକ ମଧ୍ୟରେ ଧକ୍କା ଲାଗି ଜଣେ ଗୁରୁତର ଆହତ ହୋଇଛନ୍ତି । ଆହତ ବ୍ୟକ୍ତି ଜଣକ ହେଲେ ଭଗତ ମାଝୀ ବୟସ ୩୨ ବର୍ଷ । ବାଇକରେ ବସିଥିବା ଅନ୍ୟଜଣେ ବ୍ୟକ୍ତିଙ୍କ କୌଣସି କ୍ଷତି ହୋଇନାହିଁ । ପ୍ରାପ୍ତ ଖବରରୁ ପ୍ରକାଶ ଯେ ଭଗତ ଗାଡି ନମ୍ବର ସିଜି ୨୩ ଏଫ ୩୦୩୧ ଭଗତଗୁଡା ଠାରୁ ତେନ୍ତୁଳିଖୁଣ୍ଟି ଯିବା ସମୟରେ ବାଟରେ ଏଭଳି ଦୁର୍ଘଟଣା ଘଟିଛି । ତାଙ୍କୁ ସ୍ଥାନୀୟ ଲୋକେ ଉଦ୍ଧାରକରି ଚିକିତ୍ସା ସକାଶେ ତେନ୍ତୁଳିଖୁଣ୍ଟି ମେଡିକାଲକୁ ନିଆଯାଇଛି । ତାଙ୍କର ଡାହାଣ ଗୋଡରେ ଗୁରୁତର ଆଘାତ ଲାଗିଥିବା ଜଣାପଡ଼ିଛି । ସୂଚନାଯୋଗ୍ୟ ଯେ ଘଟଣା ଘଟାଇଥିବା ଗାଡି ନମ୍ବର ଓଡି ୨୪ ଏଚ ୨୫୪୨ ହୋଇଥିବା ବେଳେ ସେ ତାଙ୍କ ସ୍ତ୍ରୀ ସହ କାଠରଗୋଡ଼ାରୁ ଝରିଗାଁ ଅଭିମୁଖେ ଯାଉଥିଲେ । ସେମାନଙ୍କର କୌଣସି କ୍ଷତି ହୋଇନାହିଁ ।
