ଜଗତସିଂହପୁର : ଜଗତସିଂହପୁର ଜିଲ୍ଲା ପୁନଙ୍ଗ ସ୍ଥିତ ପୋଲିସ ରିଜର୍ଭ ପଡିଆରେ ଠାରେ ୬୩ ତମ ପୋଲିସ ସହିଦ ସ୍ମୃତି ଦିବସ ପାଳିତ ହୋଇଯାଇଛି । ଜଗତସିଂହପୁର ଏସପି ଅଖିଳେଶ୍ୱର ସିଂ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ସହିଦ ସ୍ତମ୍ଭରେ ମାଲ୍ୟାପ୍ରଣ କରି ସ୍ମୃତି ଚାରଣ କରିଥିଲେ । ସହିଦ ସ୍ମୃତି ଦିବସ ଅବସରରେ ଆରକ୍ଷୀ ଅଧିକ୍ଷକ ଅଖିଳେଶ୍ୱର ସିଂ ପ୍ୟାରେଡ ରେ ଅଭିବାଦନ ଗ୍ରହଣ କରିବା ସହିତ ସହିଦମାନଙ୍କ ବଳିଦାନ ଆମ ପାଇଁ ପ୍ରେରଣାର ଉତ୍ସ । ପୋଲିସ ଲୋକମାନଙ୍କୁ ଉତ୍ତମ ସେବା ଯୋଗାଇ ଦେବା ସହ ସେମାନଙ୍କ ଆସ୍ଥାଭାଜନ ହୋଇପାରିଲେ ତାହା ସହିଦଙ୍କ ପ୍ରତି ଶ୍ରେଷ୍ଠ ଶ୍ରଦ୍ଧାଞ୍ଜଳି ହେବ । ଉତ୍ତମ ସେବା ସହ ଜନସାଧାରଣଙ୍କ ପ୍ରିୟ ପାତ୍ର ହେବାକୁ ସେ ଆରକ୍ଷୀ ମାନଙ୍କୁ ଆହ୍ୱାନ ହେଇଥିଲେ । ଏହି ଅବସରରେ ଏସିପି ଶ୍ରୀ ସିଂ ମୁଖ୍ୟମନ୍ତ୍ରୀଙ୍କ ବାର୍ତ୍ତା, ରାଜ୍ୟପାଳଙ୍କ ବାର୍ତ୍ତା ଓ ସହିଦମାନଙ୍କ ନାମ ପାଠ କରିଥିଲେ । ଏହି ଉତ୍ସବରେ ଅତିରିକ୍ତ ଏସପି, ଡ଼ିଏସିପି ଜିଲ୍ଲାର ବରିଷ୍ଠ ପୋଲିସ ଅଧିକାରୀ ମାନେ ଉପସ୍ଥିତ ରହି ସହିଦ ମାନଙ୍କ ଫଟୋଚିତ୍ରରେ ପୁଷ୍ପ ମାଲ୍ୟ ଅର୍ପଣ କରିଥିଲେ । ଡ଼ିଏସିପି ସୁବାଷ ଚନ୍ଦ୍ର ପଣ୍ଡା, ଡ଼ିଏସପି ମନୋରଞ୍ଜନ ଚୌଧୁରୀ, ଡ଼ିଏସିପି ରମେଶଚନ୍ଦ୍ର ସିଂହ,ଜଗତସିଂହପୁର ଥାନା ଆଇଆଇସି ପ୍ରବାସ ସାହୁଙ୍କ ସମସ୍ତ ପୋଲିସ ଅଧିକାରୀମାନେ ଉପସ୍ଥିତ ଥିଲେ ।
