ପାଟଣାଗଡ : ବଲାଙ୍ଗିର ଜିଲ୍ଲା ପାଟଣାଗଡ଼ ଠାରେ ଭାରତୀୟ ଯବାନମାନଙ୍କ ସମ୍ମାନରେ ତାଙ୍କୁ ସମର୍ପିତ କରିବା ଉଦ୍ଦେଶ୍ୟରେ ଏକ ରନ୍ ଫର୍ ସଲଜର ବା ଭାରତୀୟ ଯବାନ ମାନଙ୍କ ପାଇଁ ସମର୍ପିତ ଗଣଦୌଡ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପାଟଣାଗଡ଼ ତଥା ଅଞ୍ଚଳ ଶହେ ଜଣରୁ ଉର୍ଦ୍ଧ୍ୱ ଯୁବକଯୁବତୀଙ୍କ ସହ ବିଶିଷ୍ଠ ବ୍ୟକ୍ତି ବିଶେଷ ଯୋଗଦାନ କରିଥିଲେ ।ପରେ ସ୍ଥାନୀୟ ଜବାହାରଲାଲ ମହାବିଦ୍ୟାଳୟ ପରିସରରେ ଏକ ସଭାର ଆୟୋଜିତ ହୋଇଥିଲା ।
ଆୟୋଜିତ ସଭାରେ ଜୟ ଜବାନ ଜୟକିଷାନ ନାରା ଦିଆଯାଇଥିଲା । ପରେ ଏକ ଗଣ ଦୌଡ଼ ଆରମ୍ଭ ହୋଇ ପାଟଣାଗଡ଼ ସହରର ମୁଖ୍ୟରାସ୍ତା ପରିକ୍ରମା କରି ରମାଇଁ ହାଇସ୍କୁଲ ପଡ଼ିଆ ପର୍ଯ୍ୟନ୍ତ ପହଞ୍ଚିଥିଲା । ସଭାରେ ପାଟଣାଗଡ଼ ଅଞ୍ଚଳର ଯୁବକ ପ୍ରଶାନ୍ତ ସାହୁ ଯୋଗଦେଇ ଯବାନମାନଙ୍କ ତ୍ୟାଗ ଓ ଦେଶ ମାତୃକାର ସେବା ତାଙ୍କ ବଳିଦାନ ସହ ଗର୍ବ ଓ ଗୌରବ ଗାଥା ବର୍ଣ୍ଣନ କରିଥିଲେ । ଏଥିରେ ଆନନ୍ଦ ବୁଡେକ, ସୋନୁହାତି,ଅଭିନାଶ ପାଣିଗ୍ରାହୀ, ଗୋପି, ଜୟନ୍ତ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିବା ବେଳେ ସନ୍ୟାସି ନାଗ ଧନ୍ୟବାଦ ଦେଇଥିଲେ ।
