ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣୀ ବ୍ଳକ ଅନ୍ତର୍ଗତ ଆର. ସୀତାପୁର ଠାରେ ଥିବା ଶିଶୁ ଯତ୍ନ ଅନୁଷ୍ଠାନ (ଜଗନ୍ନାଥ ନିକେତନ)ରେ ଗଜପତି ଜିଲ୍ଲାପାଳ ଓ ଆରକ୍ଷୀ ଅଧିକ୍ଷକ ପାଳିଲେ ଦୀପାବଳି । ସାଙ୍ଗରେ ନେଇ ଥିବା ମିଠେଇ ବଣ୍ଟନ କରିବା ସହ ପିଲାଙ୍କ ସହ ବାଣ ଫୁଟାଇ ଜିଲ୍ଲାପାଳ ଲିଙ୍ଗରାଜ ପଣ୍ଡା ଓ ଏସପି ଜୟରାମ ଶତପଥୀ ପିଲାଙ୍କ ସହ କିଛି ମୁହୂର୍ତ୍ତ ବିତାଇଥିଲେ । ଜିଲ୍ଲାପାଳଙ୍କ ସହ ବାଣ ଫୁଟାଇ ପିଲାମାନେ ବହୁତ ଖୁସି ଅନୁଭବ କରିଥିଲେ । ଜିଲ୍ଲା ପ୍ରଶାସନ ସବୁବେଳେ ଅନାଥ ଛୁଆଙ୍କ ସହିତ ଥିବା କଥା ପୁଣିଥରେ ପ୍ରମାଣିତ କରିଛନ୍ତି । ଏହି ଅବସରରେ ଏସଡିପିଓ ରାମକୃଷ୍ଣ ପତି ଓ ଗୁରାଣ୍ଡି ଥାନା ଅଧିକାରୀ ପ୍ରମୁଖ ଯୋଗ ଦେଇଥିଲେ । ଜିଲ୍ଲା ପ୍ରଶାସନର ଏହିଭଳି କାର୍ଯ୍ୟକୁ ବୁଦ୍ଧିଜୀବୀ ମହଲରେ ଭୁୟସ ପ୍ରଶଂସା କରିଛନ୍ତି ।
