ପୁରୀ : କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ଡଃ ସୁରେଶ ଚନ୍ଦ୍ର ଦଳାଇ ହବିଷ୍ୟାଳୀ କେନ୍ଦ୍ର ବୁଲି ଦେଖିବା ସହ ହବିଷ୍ୟାଳୀ ମା ମାନଙ୍କ ସହ କଥା ହୋଇଥିଲେ । ବୃନ୍ଦାବତୀ ନିବାସରେ ପହଞ୍ଚି ଆରଡିସି ଡଃ ଦଳାଇ ମା ମାନେ ରହୁଥିବା କୋଠରୀ ଗୁଡିକ ଦେଖିଥିଲେ । ପରେ ମା ମାନଙ୍କର ସୁବିଧା ଅସୁବିଧା ଓ ଆବଶ୍ୟକତା ପଚାରି ଥିଲେ । ସମସ୍ତ ମା ମାନେ ସରକାର ଓ ପ୍ରଶାସନ କରିଥିବା ବ୍ୟବସ୍ଥା ରେ ଅତି ଖୁସି ବୋଲି କହିଥିଲେ । ପରେ ଆରଡିସି ମହାପ୍ରସାଦ ସେବନ ସ୍ଥାନ ଓ ଭଜନ ପରିବେଷଣ ସ୍ଥଳ ମଧ୍ୟ ବୁଲି ଦେଖିଥିଲେ । ଆରଡିସିଙ୍କ ସହ ଉପଜିଲ୍ଲାପାଳ ଭବତାରଣ ସାହୁ, ଆରଟିଓ ରବିନ ପଟ୍ଟନାୟକ, ସହକାରୀ ଜିଲ୍ଲାପାଳ ରାଜବଲ୍ଲବ ନାୟକ ପ୍ରମୁଖ ଉପସ୍ଥିତ ଥିଲେ ।
