ଦଶପଲ୍ଲା : ଆଜି ସଂଧ୍ୟା ୭ ଘଟିକା ସମୟରେ ବାଣୀଗୋଛା ପଶ୍ଚିମ ବନ୍ୟପ୍ରାଣୀ ବନାଂଚଳ ଅଧିକାରୀ ସଂସାର ବର୍ଗୀଆଙ୍କ ନେତୃତ୍ୱରେ ପାଟ୍ରୋଲିଂ ବେଳେ ବନ୍ୟପ୍ରାଣୀ ଶୀକାର ଉଦ୍ଦେଶ୍ୟରେ ବିଛା ଯାଇଥିବା ବିପୁଳ ପରିମାଣର ବିଦ୍ୟୁତ୍ ତାର ଜବତ୍ କରିଛନ୍ତି ବନ୍ୟପ୍ରାଣୀ ବନ କର୍ମଚାରୀ । ପ୍ରାପ୍ତ ସୂଚନା ବୁଗୁଡା ବିଟ୍ ହାଉସ୍ ଅନ୍ତର୍ଗତ ବୁଗୁଡା-ବାଂକତଇଳା ମଧ୍ୟସ୍ଥଳରେ ଆଜି ସଂଧ୍ୟାରେ ବନ୍ୟଜନ୍ତୁ ଶିକାର ଉଦ୍ଦେଶ୍ୟରେ ଉଚ୍ଚଶକ୍ତି ସଂପର୍ଣ୍ଣ ୧୧ କେ ଭି ବିଦ୍ୟୁତ୍ ତାରରୁ ହୁକ ପକାଇ ବାର୍ହା ଶିକାର ପାଇଁ ତାର ବିଛାଇ ଥିବାବେଳେ ବିଶ୍ୱସ୍ତ ସୁତ୍ରରୁ ଖବରପାଇ ବନାଂଚଳ ଅଧିକାରୀ ସଂସାର ବର୍ଗୀଆ, ବନପାଳ ଦୀପ୍ତିରଂଜନ ଆଚାର୍ଯ୍ୟ, ବନପାଳ ଦୀପ୍ତିରଂଜନ ନାୟକ, ବନରକ୍ଷୀ ପୁଷ୍ପଲତା ପ୍ରଧାନ, ବନରକ୍ଷୀ ରାଜକୁମାର ଶତପଥୀ ସଦଳବଳେ ଚଢ଼ାଉ କରି ବିପୁଳ ପରିମାଣର ବିଦ୍ୟୁତ୍ ତାର, ଜିଆଇ ତାର ଜବତ୍ କରିଥିବାବେଳେ ଶିକାରୀ ମାନେ ଚତୁରତାର ସହ ଖସି ଯାଇଥିବା ସୂଚନା ମିଳିଛି ।
