ନନ୍ଦାହାଣ୍ଡି : ଆଜି ନବରଙ୍ଗପୁର ଜିଲ୍ଲା ନନ୍ଦହାଣ୍ଡି ତହସିଲ କାର୍ଯ୍ୟାଳୟରେ ନୂତନ ତହସିଲଦାର ଭାବେ ଡ଼ଃ ବନମାଳୀ ମେହେର କାର୍ଯ୍ୟରେ ଯୋଗଦାନ ଦେଇଛନ୍ତି । ତହସିଲଦାର ରୂପେ କାର୍ଯ୍ୟଭାର ଗ୍ରହଣ କରିବା ପରେ ଅତିରିକ୍ତ ତହସିଲଦାର ହିମାଂଶୁ ଶେଖର ନାୟକ ଏବଂ ନନ୍ଦାହାଣ୍ଡି ତହସିଲର ସମସ୍ତ କର୍ମଚାରୀମାନେ ନୂତନ ତହସିଲଦାରଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । ପୂର୍ବତନ ତହସିଲଦାରଙ୍କୁ ଡେ଼ପୁଟି ଜିଲ୍ଲାପାଳ ରାୟଗଡା ଭାବରେ ବଦଳି ପରେ ତାଙ୍କ ସ୍ଥାନରେ ଡଃ ମେହେରଙ୍କୁ ନନ୍ଦହାଣ୍ଡି ତହସିଲଦାର ଭାବେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ ତରଫରୁ ବିଜ୍ଞପ୍ତି ପ୍ରକାଶ ହେଇଥିଲା । ଏହା ପୂର୍ବରୁ ଡ଼ଃ ମେହେର ଇନ୍ଦ୍ରାବତୀ ଜଳସେଚନ ପ୍ରକଳ୍ପ, କୁସୁମଖୁଣ୍ଟି ଠାରେ ସ୍ୱତନ୍ତ୍ର ଭୂଅର୍ଜନ ମଣ୍ଡଳ ଅଧିକାରୀ ଭାବରେ କାର୍ଯ୍ୟ ରତ ଥିଲେ । ନୂତନ ତହସିଲଦାରଙ୍କ କାର୍ଯ୍ୟରେ ଯୋଗଦାନ ପରେ ତହସିଲର ସମସ୍ତ କର୍ମଚାରୀମାନେ ତହସିଲଦାରଙ୍କ ଉଦ୍ଦେଶ୍ୟରେ ଏକ ସ୍ୱାଗତ ସମ୍ବର୍ଦ୍ଧନା ଶୋଭା ଆୟୋଜନ କରିଥିଲେ । ରାଜସ୍ୱ ପରିଦର୍ଶକ ମହମ୍ମଦ ଜାଭେଦ ଅଖତର, ସେକ୍ସନ ଅଧିକାରୀ ସୁବାଷ ଦାଶ, ବରିଷ୍ଠ ରାଜସ୍ୱ ସହାୟକ, ପରାଗ ରଞ୍ଜନ ଲିମା, କୁନ୍ତୀ ସୌରା, ମଧୁସ୍ମିତା ମିର୍ଗାନ, ନୀଳାଞ୍ଚଳ, କନିଷ୍ଠ ରାଜସ୍ୱ ସହାୟକ ହିନା କୌଶର, ଦେବାଶିଷ ସୁଆର, ଡିଇଓ ଅରୁଣ ବିଶୋଇ, ପିଅନ ସୁଜାତା ଗୌଡ଼, ରାଜେନ୍ଦ୍ର ବିଶୋଇ, ବଳରାମ ହରିଜନ ଏବଂ ନନ୍ଦହାଣ୍ଡି ତହସିଲ ଅନ୍ତର୍ଗତ ୫ ଗୋଟି ରାଜସ୍ୱ ମଣ୍ଡଳର ରାଜସ୍ୱ ନିରୀକ୍ଷକ, ବିଶ୍ୱଜିତ ଦାଶ, ଦିନ କୃଷ୍ଣ ବେହେରା, ସୁଚିତ୍ରା ମାଝୀ, କେ ମାଦଳାସା, ସହାୟକ ରାଜସ୍ୱ ନିରୀକ୍ଷକ, ମଞ୍ଜୁଲତା ନାୟକ, ବାସନ୍ତୀ ଦୁଆରୀ, ନିରାକାର ସୌରା ଅମିନ ପ୍ରଦୀପ ବିଶୋଇ, ଲୋକେଶ ମଣ୍ଡଳ, ତେଜକର ବିଶ୍ୱାସରାୟ, ଗଣେଶ୍ୱର ପଣ୍ଡା ପ୍ରମୁଖ ଉପସ୍ଥିତ ଥିଲେ ।
