ବଲାଙ୍ଗୀର : ରାଜ୍ୟରେ ବିଜୁ ଜନତା ଦଳ ତରଫରୁ ପଦଯାତ୍ରା କରାଯାଉଛି । ଆଜି ଲୋଇସିଂହା ନିର୍ବାଚନ ମଣ୍ଡଳୀ ଅନ୍ତର୍ଗତ ପୁଇଁତଲା ବ୍ଳକ ଓଡ଼ିଆପାଲି ଗ୍ରାମରେ ପହଞ୍ଚିଥିଲା । ଏ ଅବସରରେ ଗ୍ରାମବାସୀଙ୍କ ତରଫରୁ ଏକ ରକ୍ତଦାନ ଶିବିର ଆୟୋଜିତ ହୋଇଛି । ମୁଖ୍ୟ ଅତିଥି ସାଂସଦ ନିରଞ୍ଜନ ବିଶି ରକ୍ତଦାନ ଶିବିରକୁ ଶୁଭାରମ୍ଭ କରିଥିଲେ । ଯୁବ ବିଜେଡି ରାଜ୍ୟ ପରିଷଦ ସଂପାଦକ ନିହାର ରଞ୍ଜନ ବେହେରା, ଜିଲ୍ଲା ପରିଷଦ ସଦସ୍ୟା ସବିତା ସେଠ ଓ ଅନ୍ୟ ଲୋକ ପ୍ରତିନିଧିମାନେ ଯୋଗଦାନ କରିଛନ୍ତି । ଶ୍ରୀଯୁକ୍ତ ବିଶି ଓ ବେହେରା ପ୍ରମୁଖ ଏ ଅବସରରେ ରାଜ୍ୟ ସରକାରଙ୍କ ଲୋକାଭିମୁଖି କଲ୍ୟାଣକାରୀ ଯୋଜନା ସଂପର୍କରେ ଆଲୋଚନା କରିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଭିମୁଖ୍ୟ ଓ ସୁସ୍ଥ ସମୃଦ୍ଧ ଓଡିଶା ଗଠନ ଲକ୍ଷ୍ୟ ବିଷୟରେ ଆଲୋକପାତ କରିଥିଲେ । ବିଜେଡି ପଦଯାତ୍ରାକୁ ଗ୍ରାମବାସୀଙ୍କ ତରଫରୁ ଭବ୍ୟ ସ୍ୱାଗତ ସମ୍ବର୍ଦ୍ଧିନା ଜଣାଇଥିଲେ । ରକ୍ତଦାତାଙ୍କୁ ମୁଖ୍ୟ ଅତିଥି ଓ ଅନ୍ୟମାନେ ପ୍ରଶଂସା କରିଥିଲେ ।
