ଖପ୍ରାଖୋଲ : ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ କଂସାପଲା ଛକ ନିକଟରେ ପୋଲିସ ଚଢାଉ କରିଥିଲା । ଏହି ସମୟରେ ୬ ଜଣ ଦାଦନ ଶ୍ରମିକ ଉଦ୍ଧାର ହୋଇଛନ୍ତି । ସୂଚନାନୁଯାୟୀ, ବୁଧବାର ବିଳମ୍ବିତ ରାତିରେ ବଲାଙ୍ଗୀର ଜିଲ୍ଲା ଖପ୍ରାଖୋଲ ଥାନା ଅନ୍ତର୍ଗତ କଂସାପଲା ଛକ ନିକଟରୁ ଓଡି ୧୭ ଏକ୍ସ ୫୬୨୬ ନମ୍ୱର ବିଶିଷ୍ଟ ଏକ ଅଟୋରୁ ୬ ଜଣ ଦାଦନ ଶ୍ରମିକ ଉଦ୍ଧାର ହୋଇଛନ୍ତି । ଉଦ୍ଧାର ହୋଇଥିବା ଶ୍ରମିକମାନେ ବରଗଡ଼ ଜିଲ୍ଲା ବୁଡେନ୍ ଥାନା ଅନ୍ତର୍ଗତ ଡ଼ଙ୍ଗାଛଚା ଗ୍ରାମର ବୋଲି ଜଣାପଡିଛି । ଏମାନଙ୍କୁ ପାଟଣାଗଡ଼ ଥାନା ଅନ୍ତର୍ଗତ ଭାଲୁଦୋରୋ ଗ୍ରାମର ଦାଦନ ସର୍ଦ୍ଦାର ବୁଲୁ ଜାଲ ତେଲେଙ୍ଗାନା ରାଜ୍ୟ ପଇଦାପଲ୍ଲୀ ଅଞ୍ଚଳକୁ ଚାଲାଣ କରୁଥିଲା । ସେମାନଙ୍କୁ ଉଦ୍ଧାର କରି ଖପ୍ରାଖୋଲ ଥାନାକୁ ଅଣାଯାଇଥିଲା । ତେବେ ଦାଦନ ସର୍ଦ୍ଦାର ବୁଲୁ ଜାଲ ଏବେ ଫେରାର ଅଛି । ଏନେଇ ଖପ୍ରାଖୋଲ କେସ ନମ୍ବର ୧୭୬/୨୨ ରେ ଏକ ମାମଲା ରୁଜୁ କରି ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରମାକାନ୍ତ ସାହୁ ପ୍ରକାଶ କରିଛନ୍ତି ।
