ଖପ୍ରାଖୋଲ : ଖପ୍ରାଖୋଲ ପୋଲିସ ଦ୍ୱାରା ଶୁକ୍ରବାର ଦିନ ମଧ୍ୟାହ୍ନରେ ୫ ଦାଦନ ଶ୍ରମିକ ଉଦ୍ଧାର ହୋଇଥିବା ଜଣାଯାଇଛି । ଉଦ୍ଧାର ଶ୍ରମିକମାନେ ମଟିଆଭଟା ଗାଁର ବୋଲି ପୋଲିସ ସୂଚନା ଦେଇଛି । ସୂଚନା ଅନୁସାରେ ଏକ ଅଟୋରେ କିଛି ଦାଦନ ଶ୍ରମିକ କଣ୍ଟାବାଞ୍ଜିକୁ ଯାଉଥିବା ବେଳେ ପୋଲିସ ଖବର ପାଇ ବଞ୍ଜିପାଲି ଛକ ନିକଟରେ ଚଢାଉ କରି ଉଦ୍ଧାର କରିଥିଲେ । ଶ୍ରମିକଙ୍କୁ ବେଲପଡ଼ାର ଜଣେ ଦାଦନ ଦଲାଲ ଆନ୍ଧ୍ର ପ୍ରଦେଶ ଚାଲାଣ କରୁଥିବା ପୋଲିସ ପ୍ରକାଶ କରିଛି । ଏନେଇ ଖପ୍ରାଖୋଲ ଥାନା କେସ ନମ୍ବର ୧୭୮ / ୨୨ ରେ ଏକ ମାମଲା ରୁଜୁ କରି ଉଦ୍ଧାର ଶ୍ରମିକଙ୍କୁ ନିଜ ଘରକୁ ପଠାଇ ଦେଇଥିବା ଥାନା ଏସଆଇ ଗୋପୀନାଥ ମହାକୁଡ ପ୍ରକାଶ କରିଛନ୍ତି ।
