ବୌଦ୍ଧ,୬/୧୧- ସ୍ଥାନୀୟ ଟାଉନହଲ୍ ଠାରେ ପ୍ରଜ୍ଞାନ ମିଶନ ଦ୍ୱାରା ଜିଲ୍ଲାସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା ଅନୁଷ୍ଠିତ ହୋଇଛି । ଗୀତା ଜ୍ଞାନ ଯଜ୍ଞର ପ୍ରବକ୍ତା ଶ୍ରୀ ଅନିର୍ବାଣାନନ୍ଦ ଗିରିଙ୍କ ସାନିଦ୍ଧ୍ୟ ଓ ଅବସରପ୍ରାପ୍ତ ପ୍ରଧାନଶିକ୍ଷକ ଶ୍ରୀ ଧନେଶ୍ୱର ମଣ୍ଡଳଙ୍କ ସଭାପତିତ୍ୱରେ ଆୟୋଜିତ ଏହି କାର୍ଯ୍ୟକ୍ରମରେ ଜିଲ୍ଲାର ବିଭିନ୍ନ ପ୍ରାନ୍ତରୁ ୩୧ଜଣ ଛାତ୍ରଛାତ୍ରୀ ଗୀତା ୨ୟ ଅଧ୍ୟାୟ ଆବୃତ୍ତି କରିଥିଲେ । ଶ୍ରୀ ପୌଲସ୍ତୀ ପ୍ରଧାନ, ଶ୍ରୀ ସୁଶାନ୍ତ ପଣ୍ଡା, ଶ୍ରୀ ନବୀନ ଚନ୍ଦ୍ର ଶତପଥି, ଶ୍ରୀ ଅଭିମନ୍ୟୁ ପ୍ରଧାନ, ଶ୍ରୀମତୀ ଅନୀତା ମହାରଣା ଓ ଶ୍ରୀମତୀ ସନ୍ଧ୍ୟାରାଣୀ ମିଶ୍ର ବିଚାରକ ଭାବେ ଯୋଗଦାନ କରିଥିଲେ । ପ୍ରଜ୍ଞାନ ମିଶନର ସଦସ୍ୟ ଶ୍ରୀ ଶଙ୍କର ପ୍ରସାଦ ମିଶ୍ର, ସୌମିତ୍ରୀ ପଲିଆ, ବିଶିକେଶନ ପ୍ରଧାନ, ପ୍ରାଣବନ୍ଧୁ ମହାପାତ୍ର, ସମୀର ସାହୁ, ଶିବଦତ୍ତ ପଟ୍ଟନାୟକ, ନନ୍ଦକିଶୋର ସାହୁ ପ୍ରମୁଖ କର୍ମକର୍ତ୍ତା ସହାୟତା କରିଥିଲେ । ବୌଦ୍ଧ ପଞ୍ଚାୟତ କଲେଜ, ବୀଣାଭାରତୀ ସ୍କୁଲ ବାଁଉଶୁଣୀ, ହରଭଙ୍ଗା ହାଇସ୍କୁଲ, ଆଦର୍ଶ ବିଦ୍ୟାଳୟ ବୌଦ୍ଧ, ଜାଭିୟର୍ସ ସ୍କୁଲ ବୌଦ୍ଧ, ଶିଶୁ ମନ୍ଦିର ବୌଦ୍ଧର ଛାତ୍ରଛାତ୍ରୀ ମାନେ କୃତିତ୍ୱର ସହ ରାଜ୍ୟସ୍ତରୀୟ ପ୍ରତିଯୋଗିତା ପାଇଁ ଉନ୍ନୀତ ହୋଇଛନ୍ତି ।
