ଫୁଲବାଣୀ :-କନ୍ଧମାଳର ପ୍ରତିଷ୍ଠିତ ସାହିତ୍ୟିକ ଡ଼ଃ ନୃସିଂହାନନ୍ଦ ମହାପାତ୍ର ସମ୍ମାନଜନକ କୈବଲ୍ୟ ଜ୍ୟୋତି ସମ୍ମାନ ପାଇଛନ୍ତି । କଟକରେ ପ୍ରସିଦ୍ଧ ଧବଳେଶ୍ୱର ପୀଠରେ କୈବଲ୍ୟ ସାହିତ୍ୟ ସାହିତ୍ୟ ସଂସଦ ତରଫରୁ ଆୟୋଜିତ ଆଧ୍ୟାତ୍ମିକ ଜ୍ଞାନର ସମ୍ପ୍ରସାରଣ, ସାହିତ୍ୟ, ସେବା ଓ ସାମ୍ବାଦିକତା ଉପରେ ପାରଦର୍ଶିତା ଲାଭ କରିଥିବା ବ୍ୟକ୍ତିବିଶେଷଙ୍କୁ ସମ୍ମାନିତ କରାଯାଇଛି । ସାହିତ୍ୟିକ ସଂଗ୍ରାମ କେଶରୀ ସାମନ୍ତରାୟ ଆବାହକତ୍ୱରେ ଅନୁଷ୍ଠିତ ଏହି ସଭାରେ ବହୁ ବିଶିଷ୍ଠ ବ୍ୟକ୍ତିମାନେ ଉପସ୍ଥିତ ରହି ଡ଼ଃ ମହାପାତ୍ରଙ୍କୁ ସମର୍ଦ୍ଧିତ କରିଥିଲେ । ନିଗମ କଳ୍ପତରୁ ଆଶ୍ରମରେ ଅଧ୍ୟକ୍ଷ ସ୍ୱାମୀ ବ୍ରହ୍ମାନନ୍ଦ ସରସ୍ୱତୀ, ପୂର୍ବତନ ନିର୍ଦ୍ଦେଶକ ସ୍ୱାମୀ ହରିହର କାନୁନଗୋ, ସ୍ୱାମୀ ଅଭେଦାନନ୍ଦ ସରସ୍ୱତୀ, ମହାରାଜା ରମେଶ ଦାସ ଜଗନ୍ନାଥ ସଂସ୍କୃତି ପ୍ରଚାରକ ଲିଙ୍ଗରାଜ ପତି, ଶୁଭେନ୍ଦୁ ସ୍ୱାଇଁ, ବାବା ଦିବାକର ଦାସ ପ୍ରମୁଖ ମଂଚାସୀନ ଥିଲେ । ଅନ୍ୟ ମାନଙ୍କ ମଧରେ ପଣ୍ଡିତ ନୀଳକଣ୍ଠ ରାଉତ, ବୈଦ୍ୟନାଥ ପଣ୍ଡା, ଅଜୟକୁମାର ପଣ୍ଡା, ଇଂ ତୋଫାନ ସ୍ୱାଇଁ, କୈଳାଶ ଚନ୍ଦ୍ର ଜେନା, ବିଶ୍ୱଜିତ ସୂର୍ଯ୍ୟାବଂଶୀ, ଦୀପାୟନ ପଟ୍ଟନାୟକ ପ୍ରଭୃତି ଯୋଗଦେଇ ସାହିତ୍ୟ ଓ ଆଧ୍ୟାତ୍ମିକତା ଉପରେ ବକ୍ତବ୍ୟ ପ୍ରଦାନ କରିଥିଲେ । ଡ଼ଃ ମହାପାତ୍ରଙ୍କୁ କନ୍ଧମାଳର ବିଶିଷ୍ଠ ସାହିତ୍ୟିକ ମାନେ ଶୁଭେଚ୍ଛା ଜଣାଇଛନ୍ତି ।
