ହରଭଙ୍ଗା : ଆଜି ବୌଦ୍ଧ ଜିଲ୍ଲା ଜିଆରଏସ ସଂଘର ଏକ ଗୁରୁତ୍ୱପୂର୍ଣ୍ଣ ବୈଠକ ଜଳେଶ୍ୱର ବାବା ମନ୍ଦିରରେ ଅନୁଷ୍ଠିତ ହୋଇଯାଇଛି । ସର୍ବପ୍ରଥମେ ଜିଲ୍ଲା ସଭାପତି ସରୋଜ ମହାକୁଡ଼ ରାଜ୍ୟ ଜିଆରଏସ ସଂଘର କାର୍ଯ୍ୟକାରିଣୀରେ ସ୍ଥାନ ପାଇଥିବା ହେତୁ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା । ସଭାପତି ଶ୍ରୀ ମହାକୁଡ଼ ଉପସ୍ଥିତ ଥିବା ସମସ୍ତ ଜିଆରଏସ ମାନଙ୍କୁ ତାଙ୍କ ଉପରେ ଆସ୍ଥା ରଖି ଥିବାରୁ ମୋତେ ଆଗାମୀ ଦିନରେ ସଂଘ କାର୍ଯ୍ୟ କରିବାରେ ଉତ୍ସାହିତ କରିବ ବୋଲି କହିଥିଲେ । ଉକ୍ତ ବୈଠକ ରେ ବୌଦ୍ଧ ଜିଲ୍ଲା ଆଗାମୀ ଦିନରେ ପ୍ରଭାତ ତିୱାରୀଙ୍କ ନେତୃତ୍ୱରେ ଓଡିଶା ଗ୍ରାମ ରୋଜଗାର ସେବକ ସଂଘ ଜିଆରଏସମାନଙ୍କ ବୃହତର ସ୍ୱାର୍ଥ ଦୃଷ୍ଟି ଯାହା ବି ଚରମ ନିଷ୍ପତ୍ତି ନେବେ ବୌଦ୍ଧ ଜିଲ୍ଲା ଜିଆରଏସ ସଂଘ ତାଙ୍କୁ ଶତପ୍ରତିଶତ ସହଯୋଗ କରିବ ବୋଲି ସଭାରେ ନିଷ୍ପତି ନିଆଯାଇଥିଲା । ଉକ୍ତ ସଭାରେ କଣ୍ଟାମାଳ ବ୍ଲକ ସଭାପତି ସତୀଶ ଦାସ, ବୌଦ୍ଧ ବ୍ଲକ ସଭାପତି ପ୍ରମୋଦ ପ୍ରଧାନ, ହରଭଙ୍ଗା ବ୍ଲକ ସଭାପତି ବିଭୁତି ମିଶ୍ରଙ୍କ ସହିତ ଜିଲ୍ଲାର ସମସ୍ତ ଜିଆରଏସ ଯୋଗ ଦେଇଥିଲେ । ଶେଷରେ ଜିଲ୍ଲା ସମ୍ପାଦକ ରବୀନ୍ଦ୍ର ମେହେର ଧନ୍ୟବାଦ ଅର୍ପଣ କରିଥିଲେ ।
