ପୁରୀ : ଶିଶୁ ଦିବସ ଅବସରରେ ତାଳବଣିଆ ହେଲିପ୍ୟାଡ ନିକଟରେ ଶିଶୁ ଉଦ୍ୟାନ ଉଦଘାଟିତ ହୋଇଯାଇଛି । ପିକେଡିଏ ପକ୍ଷରୁ ପ୍ରସ୍ତୁତ ଏହି ଉଦ୍ୟାନକୁ ଉଦଘାଟନ କରି ପୁରୀ ବିଧାୟକ ଜୟନ୍ତ କୁମାର ଷଡ଼ଙ୍ଗୀ ଓ ଜିଲ୍ଲାପାଳ ସମର୍ଥ ବର୍ମା ଶିଶୁ ଓ କିଶୋର ମାନେ ଏହି ଉଦ୍ୟାନର ସୁବିଧା ନେଇ ସୁସ୍ଥ ଓ ସତେଜ ରହିପାରିବେ ବୋଲି ଆଶା ବ୍ୟକ୍ତ କରିଥିଲେ । ସରକାର ଓ ପ୍ରଶାସନ ସୁବିଧା ସୃଷ୍ଟି କରୁଛନ୍ତି ତେବେ ସାଧାରଣ ଲୋକ ମାନେ ଏହାର ରକ୍ଷଣାବେକ୍ଷଣ ଓ ସୁରକ୍ଷା ଦାୟିତ୍ୱ ନେଲେ ଏହା ଦୀର୍ଘସ୍ଥାୟୀ ଏବଂ ଏହି ଅଞ୍ଚଳ ପାଇଁ ସମ୍ବଳ ହୋଇପାରିବ ବୋଲି ବିଧାୟକ ଶ୍ରୀ ଷଡ଼ଙ୍ଗୀ ମତ ଦେଇଥିଲେ । ଅନ୍ୟମାନଙ୍କ ମଧ୍ୟରେ ପିକେଡିଏର ସଚିବ ଲଲାଟେନ୍ଦୁ ସାହୁ, ପୁରୀ ପୌରନିର୍ବାହୀ ଅଧିକାରୀ ସରୋଜ କୁମାର ସ୍ୱାଇଁ, ପିକେଡିଏ ଯନ୍ତ୍ରୀ ସୂର୍ଯ୍ୟକାନ୍ତ ମହାନ୍ତି ପ୍ରମୁଖ ଉପସ୍ଥିତ ଥିଲେ । ପରେ ପରେ ହେଲିପ୍ୟାଡ ଓ ହାଇମାସ୍କ ଲାଇଟ ଲୋକାର୍ପଣ କରାଯାଇଥିଲା ।
