ନନ୍ଦାହାଣ୍ଡି:ପରିମଳ ବିଭାଗ ନନ୍ଦାହାଣ୍ଡି ତରଫରୁ ୧୯ ନଭେମ୍ବର ବିଶ୍ୱ ପାଇଖାନା ଦିବସ ପାଳିତ ହୋଇଯାଇଛି ଏହି ଅବସରରେ ନନ୍ଦାହାଣ୍ଡି ବ୍ଲକ ନିସ୍ନାହାଣ୍ଡି ପଞ୍ଚାୟତ ସଦର ଗ୍ରାମରେ ସ୍ୱଚ୍ଛତାର ଦୌଡ ହୋଇଥିଲା । ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ନନ୍ଦାହାଣ୍ଡି ବ୍ଲକ ଗୋଷ୍ଠି ଉନ୍ନୟନ ଅଧିକାରୀ ଶିବଶଙ୍କର ମୁର୍ମୁ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ସ୍ୱଚ୍ଛ ଭାରତ ମିଶନ ବ୍ଲକ ନୋଡାଲ ଅଫିସର ଶଙ୍କର ବଡେକ, ଉଚ୍ଚ ମାଧ୍ୟ୍ୟମିକ ବିଦ୍ୟାଳୟ ନିସ୍ନାହାଣ୍ଡି ଅଧକ୍ଷ ରମେଶ ଚନ୍ଦ୍ର ବିଶ୍ୱାଳ ଯୋଗ ଦେଇଥିବା ବେଳେ ଅଧ୍ୟାପକ ହୃଷିକେଶ ବିଡ଼ିକା, ହେମନ୍ତ କୁମାର ଘୋଡିଆ ଉପସ୍ଥିତ ରହି କ୍ରୀଡା କାର୍ଯ୍ୟକ୍ରମ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ଦୁଇଶହରୁ ଅଧିକ ଗ୍ରାମବାସୀ ଏବଂ ଛାତ୍ର ଛାତ୍ରୀ ଯୋଗ ଦେଇ ଥିଲେ ଏବଂ ଦୌଡ ପ୍ରତିଯୋଗିତାରେ ପୁରୁଷ ବର୍ଗରେ ପ୍ରଥମ ସ୍ଥାନ ନାଗେଶ୍ୱର କୋଷ୍ଟା ଏବଂ ଦ୍ୱିତୀୟ ସ୍ଥାନ ଶ୍ରାବଣ କୁମାର ଚଲାଣ ଓ ମହିଳା ବିଭାଗରେ ସୁନାମଣୀ ମାଝୀ ପ୍ରଥମ ସ୍ଥାନ ଅଧିକାର କରିଥିଲା ବେଳେ ଦ୍ୱତୀୟ ସ୍ଥାନ ରଶ୍ମିତା ଭତ୍ରା ଅଧିକାର କରିଥିଲେ । ଏହି କାର୍ଯ୍ୟକ୍ରମ ରେ ପରିମଳ ମିଶନ ବ୍ଲକ ସଂଯୋଜକ ଇଂ ଅଭିଳାଷ କୁମାର ନାୟକ ପାଇଖାନାର ବ୍ୟବହାର ଏବଂ ପାଇଖାନାର ଦୁଇଟି ଗାତର ମହତ୍ୱ ବିଷୟରେ ଲୋକଙ୍କୁ ସଚେତନ କରି କାର୍ଯ୍ୟକ୍ରମକୁ ପରିଚାଳନା କରିଥିଲେ ।
