ଦଶପଲ୍ଲା : ଦଶପଲ୍ଲା ମାଟିର ବୀର ସନ୍ତାନ ତଥା କନ୍ଧମାଳର ପୂର୍ବତନ ସାଂସଦ ତଥା ବିଧାୟକ , ସ୍ୱର୍ଗତ ରୁଦ୍ରମାଧବ ରାୟଙ୍କ ୮୫ ତମ ଜନ୍ମ ଜୟନ୍ତୀ ଉତ୍ସବ ଗଣିଆ ଗାନ୍ଧୀ ଛକ ନିକଟରେ ଅନୁଷ୍ଠିତ ହୋଇଯାଇଛି । ଗାନ୍ଧୀ ଛକ ତଳେ ଥିବା ରୁଦ୍ରମାଧବଙ୍କ ପ୍ରତିମୂର୍ତ୍ତିରେ ଜନ୍ମ ଜୟନ୍ତୀ ଉପଲକ୍ଷେ ରୁଦ୍ରମାଧବ ସ୍ମୃତି କମିଟିର ସମ୍ପାଦକ ମହେଶ୍ୱର ମହାରଣାଙ୍କ ନେତୃତ୍ୱରେ ଅତିଥିଭାବେ ବ୍ଲକ ଅଧକ୍ଷା ଝୁନା ଜେନା , ପୂର୍ବତନ ସରପଞ୍ଚ ବ୍ରଜମୋହନ ମିଶ୍ର , ସମିତିସଭ୍ୟ ଫକୀର ମୋହନ ଡାକୁଆ, ଅଜୟ କୁମାର ଲେଙ୍କା, ଜଗନ୍ନାଥ ମିଶ୍ର , ଛାମୁଣ୍ଡିଆ ସରପଞ୍ଚଙ୍କ ପ୍ରତିନିଧି ଚିତ୍ତରଞ୍ଜନ ସାମଲ, ପ୍ରକାଶ କୁମାର ସାହୁ , ଲଷ୍ମୀଧର ବେହେରାଙ୍କ ସମେତ ବିଭିନ୍ନ ପଞ୍ଚାୟତରୁ ଏକଶହ ରୁ ଉର୍ଦ୍ଧ୍ୱ ରୁଦ୍ରପ୍ରେମୀ ଉପସ୍ଥିତ ରହି ତାଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବା ସହିତ ସ୍ମୃତି ଚାରଣ କରିଥିଲେ । ପରେ ପରେ କୁନି କୁନି ପିଲାଙ୍କ ଦ୍ୱାରା କେକ କାଟାଯାଇଥିଲା । ରୁଦ୍ରମାଧବ ରାୟ ବିଧାୟକ ଓ ସାଂସଦ ଥିବା ସମୟରେ ଗଣିଆ ଓ ଦଶପଲ୍ଲା ଅଞ୍ଚଳର ବିକାଶ ଦିଗରେ ବହୁ ଜନହିତକର କାର୍ଯ୍ୟ କରିଯାଇଛନ୍ତି ।
