ବୌଦ୍ଧ: ବୌଦ୍ଧ ତହସିଲ ଅନ୍ତର୍ଗତ ବାଉଁଶୁଣୀ ନିକଟ ମହାନଦୀ ଘାଟରୁ ପ୍ରତିଦିନ ଟ୍ରାକ୍ଟର ଯୋଗେ ବାଲି ଚୋରାଚାଲାଣ ହେଉଥିବା ଅଭିଯୋଗ ବହୁଦିନରୁ ହୋଇ ଆସୁଥିଲା । ଏଥିପାଇଁ ରାଜସ୍ୱ ବିଭାଗ ସହ ବାଲିମାଫିଆଙ୍କ ମଧୁର ସଂପର୍କ ରହିଥିବା ଜନସାଧାରଣରେ ଅଭିଯୋଗ ହେଉଥିଲା । ଆଜି ସକାଳେ ବୌଦ୍ଧ ତହସିଲଦାର ସନତ କୁମାର ନାଏକଙ୍କ ନିର୍ଦ୍ଦେଶକ୍ରମେ ଅତିରିକ୍ତ ତହସିଲଦାର ମଙ୍ଗଳୁ ଭୁଏ ଓ ବାଉଁଶୁଣୀ ରାଜସ୍ୱ ନିରୀକ୍ଷକ ସୁଜିତ ସାହୁ ବାଉଁଶୁଣୀ ବାଲିଘାଟରେ ଚଢାଉ କରିଥିଲେ । ଚଢାଉ ସମୟରେ ବାଲିଚାଲାଣ କରୁଥିବା ୪ଟି ଟ୍ରାକ୍ଟର ଠାରୁ ୧୫ହଜାର ଟଙ୍କାର ଜୋରିମାନା ଆଦାୟ କରାଯାଇଥିବା ଜଣାପଡିଛି ।
