ପୁରୀ : ଗୋପ-କୋଣାର୍କ ରାସ୍ତାର ପାଟେଳିଆ ଛକ ଠାରେ ମର୍ମନ୍ତୁଦ ସଡକ ଦୁର୍ଘଟଣା । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ଜଣ ଗୁରୁତର ଆହତ ହୋଇଛନ୍ତି । ମୃତ ବ୍ୟକ୍ତି କଟକ ଜିଲ୍ଲା ଗୋବିନ୍ଦପୁର ଥାନା ଅନ୍ତର୍ଗତ ତାମ୍ପଡା ଗ୍ରାମର ସୁକାନ୍ତ ମଲ୍ଲିକ । ଗୁରୁତର ଆହତ ବ୍ୟକ୍ତି ହେଲେ ଗୋକୁଳ ନାୟକ, ଶ୍ରବଣ କୁମାର ମଣ୍ଡଳ, ଅରବିନ୍ଦ କୁମାର ମଣ୍ଡଳ ଓ ପଙ୍କଜ ମଣ୍ଡଳ ବୋଲି ଜଣାପଡିଛି । ଗତକାଲି ରାତି ଗୋପରୁ କୋଣାର୍କ ଅଭିମୁଖେ ଏକ ପିକ୍ଅପ୍ ଭ୍ୟାନ ଯାଉଥିବା ବେଳେ ଏଥିରେ ବିହାରର ଗୋକୁଳ, ଶ୍ରବଣ, ଅରବିନ୍ଦ ଓ ପଙ୍କଜ ଥିଲେ । ସେମାନେ ଇଟାଭାଟିରେ କାମ ସାରି ଫେରିବା ବାଟରେ ବିପରୀତ ଦିଗରୁ ଆସୁଥିବା କାର ସହ ତାଙ୍କର ଧକ୍କା ହୋଇଥିଲା । ଫଳରେ ଘଟଣାସ୍ଥଳରେ କାରରେ ବସିଥିବା କଟକ ଜିଲ୍ଲା ଗୋବିନ୍ଦପୁର ଅନ୍ତର୍ଗତ ତାମ୍ପଡା ଗ୍ରାମର ସୁକାନ୍ତଙ୍କ ମୃତ୍ୟୁ ଘଟିଥିଲା । ସୁକାନ୍ତଙ୍କ ସାଙ୍ଗ ଗୋକୁଳ ନାୟକ ଗୁରୁତର ହୋଇଥିଲେ । ସେମାନେ ପୁରୀ ଓ କୋଣାର୍କ ବୁଲି ଘରକୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିବା ଗୋପ ପୋଲିସ ସୂଚନା ଦେଇଛି ।
