ଗଞ୍ଜାମ:ପୁରୁଷୋତ୍ତମପୁର ଉପକଣ୍ଠରେ ଥିବା କାଳୀ ମନ୍ଦିର ପୋଖରୀରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି । ଗତକାଲି ସକାକେ ମୃତଦେହ ପାଣିରେ ଭାସୁ ଥିବାର ଦେଖି ଲୋକେ ପୋଲିସ ଓ ଦମକଳ ବିଭାଗକୁ ଖବର ଦେଇଥିଲେ । ଦମକଳ ବାହିନୀ ଆସି ପାଣି ଭିତରୁ ମୃତ ଦେହ ଉଦ୍ଧାର କରିଥିଲେ । ମୃତକ ଜଣଙ୍କ ହେଲେ ଚିତ୍ତ ରଞ୍ଜନ ବିଷୋୟୀ, ସେ ଆସ୍କା ନୂଆଙ୍ଗା ଅଞ୍ଚଳର ବାସିନ୍ଦା ଅଟନ୍ତି । ତେବେ ସେ ପୁରୁଷୋତ୍ତମପୁର ସହରର ଏକ ଫର୍ଣ୍ଣିଚର ଦୋକାନରେ ଶ୍ରମିକ ଭାବେ କାମ କରୁଥିଲେ । ଶୁକ୍ରବାରରେ ପୁରୀଯାଇ ଜଗନ୍ନାଥଙ୍କ ଦର୍ଶନ ସାରି ରାତିରେ ଫେରି ଥିଲେ ଏବଂ ପାହାନ୍ତିଆ ପହରରେ ଶୌଚ ହେବାକୁ ପୋଖରୀକୁ ଯାଇ ଆଉ ଫେରି ନଥିଲେ । ସକାଳେ ତାଙ୍କ ମୃତ ଦେହ ଭାସୁଥିବାର ଦେଖି ଲୋକେ ଜାଣିଥିଲେ ।
