କୋକସରା,୨/୧- କଳାହାଣ୍ଡି ଜିଲ୍ଲା କୋକସରା ବ୍ଲକ ଡାଲଗୁମା ଠାରେ ଲଙ୍କେଶ୍ୱରୀ ଯୁବକ ସଂଘ ଆନୁକୂଲ୍ୟରେ ଚାଲିଥିବା ଲଟିଆ ମାଝୀ ସ୍ମାରକୀ ଫୁଟବଲ ପ୍ରତିଯୋଗିତା ଫାଇନାଲ ଖେଳସହ ଉଦଯାପିତ ହୋଇଛି । ଫାଇନାଲ ଖେଳଟି ବଗାଡ ଓ ଝାରକୁଣ୍ଡାମାଲ ଦଳ ମଧ୍ୟରେ ହୋଇଥିଲା । ଏଥିରେ ୧/୦ ଗୋଲରେ ଝାରକୁଣ୍ଡାମାଲ ଟୁର୍ଣ୍ଣାମେଣ୍ଟର ବିଜେତା ହୋଇଛି । ଫାଇନାଲ ଖେଳର ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥିଭାବେ ବିଜେପି ଜିଲ୍ଲା ଉପସଭାପତି ଲକ୍ଷ୍ମୀକାନ୍ତ ବାଗ, ମୁଖ୍ୟବକ୍ତା ଡାଲଗୁମା ସରପଞ୍ଚ ଯୋଗେନ୍ଦ୍ର ପଟ୍ଟନାୟକ, ସମ୍ମାନିତ ଅତିଥି ଭାବେ ସମିତି ସଭ୍ୟ ଚିନ୍ତାମଣି ଚଣ୍ଡୀ, କଂଗ୍ରେସ ନେତା ମହେନ୍ଦ୍ର ଧରୁଆ, ପ୍ରଭାକର ପଟ୍ଟନାୟକ, ନାଏବ ସରପଞ୍ଚ ରିତାଞ୍ଜଳୀ ଖର୍ସେଲ, ପୀତବାସ ପଟ୍ଟନାୟକ, ଅମୋଜ ଧରୁଆ, ଦିବ୍ୟରଞ୍ଜନ ପଟ୍ଟନାୟକ, ଚକ୍ରଧର ପୋଢ ପ୍ରମୁଖ ଯୋଗଦେଇ ବିଜେତା ଓ ଉପବିଜେତା ଦଳକୁ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ । ଖେଳକୁ ପିଇଟି ଶଙ୍କର ପୋଢ଼ ପରିଚାଳନା କରିଥିବାବେଳେ ଲାବାନ୍ୟ ଶବର ଓ ଚିତ୍ତରଞ୍ଜନ ଠାକୁର ସହଯୋଗ କରିଥିଲେ । ଖେଳର ଧାରାବିବରଣୀ ଫକିର ଶଗଡିଆ ପ୍ରଦାନ କରିଥିବାବେଳେ ଆୟୋଜକ ଅନୁଷ୍ଠାନର ସଭାପତି ପ୍ରଫୁଲ୍ଲ କୁମାର ଚଣ୍ଡି, ସମ୍ପାଦକ ପବିତ୍ର ନାଗ, ଧନମଣି କଟା, ଦିଗାମ୍ବର ବେମାଲ, କେତୁରାମ ମାଝୀ, ସାମନ୍ତ ବେମାଲଙ୍କ ସମେତ ଆୟୋଜକ ଅନୁଷ୍ଠାନର ସମସ୍ତ ସଦସ୍ୟ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ ।
