ପାଟଣାଗଡ଼ : ଗତକାଲି ସନ୍ଧ୍ୟା ସାଢେ ୭ ଘଣ୍ଟା ସମୟରେ କୁତମୁଣ୍ଡା ସ୍ଥିତ ଏକ ନର୍ସରୁ ଭୋଜିଭାତ କରି ଫେରୁଥିବା ସମୟରେ ସମଲେଶ୍ୱର ଛକ ନିକଟରେ ଦୁଇ ବାଇକ୍ ମୁହାଁମୁହିଁ ଧକ୍କା ହେବାରୁ ଜଣଙ୍କର ମୃତ୍ୟୁ ହୋଇଛି । ମୃତକ ଜଣକ ହେଲେ ପାଟଣାଗଡ଼ ଥାନା ଅନ୍ତର୍ଗତ ଚକାମାଲ ଗ୍ରାମର କେଶବ ବିଶି (୨୩) ବୋଲି ଜଣାପଡିଛି । ଅନ୍ୟ ପକ୍ଷରେ କୁଦମୁଣ୍ଡା ଗ୍ରାମର ଦୁଇଜଣ ଯୁବକ ପାଟଣାଗଡ଼ରୁ ଦୈନିକ ମଜୁରିଆ କାମ ସାରି ନିଜ ଗାଁ କୁଦମୁଣ୍ଡାକୁ ନିଜ ବାଇକ୍ ଯୋଗେ ଫେରୁଥିବା ସମୟରେ ସମଲେଶ୍ୱର ଛକ ନିକଟରେ ନର୍ସରିରେ ଭୋଜିଭାତ ସାରି ଏକ ବାଇକ୍ ଯୋଗେ ତିନି ଜଣ ଯୁବକ ଆକଣ୍ଠ ମଦପାନ କରି ଆସୁଥିଲେ । ନିଶାସକ୍ତ ଅବସ୍ଥାରେ ସେମାନେ କୁତମୁଣ୍ଡା ଗ୍ରାମର ଦୁଇଜଣ ଯୁବକଙ୍କ ବାଇକ୍ ସହ ମୁହାଁମୁହିଁ ଧକ୍କା ହୋଇଥିଲା । ଫଳରେ ଘଟଣା ସ୍ଥଳରେ ନର୍ସରି ଫେରୁଥିବା ବାଇକ୍ ଚାଳକ କେଶବ ବିଶିଙ୍କ ମୃତ ଘଟିଥିଲା । ସେହିରାସ୍ତା ଦେଇ ଯାଉଥିବା କିଛି ଯୁବକ ଆମ୍ବୁଲାନ୍ସ ଓ ପୁଲିସଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୁଲିସ ପହିଞ୍ଚି ଆମୁଲାନ୍ସ ଯୋଗେ ମୃତ କେଶବଙ୍କ ସହ ଅନ୍ୟ ଚାରିଜଣଙ୍କୁ ପାଟଣାଗଡ଼ ଡାକ୍ତରଖାନା ନେଇଥିଲା । କୁତମୁଣ୍ଡା ଗାଁ ବିଦେଶି ଧରୁଆଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବଲାଙ୍ଗିର ଭିମଭୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ଅନ୍ୟ ତିନିଜଣ ଯୁବକଙ୍କ ମଧ୍ୟରୁ ପାଟଣାଗଡ଼ ଟିକପାଲିର ଶିବା ଖମାରୀ ପାଟଣାଗଡ଼ ଡାକ୍ତରଖାନା ଚିକିତ୍ସାଧିନ ଅଛନ୍ତି । ପ୍ରାଥମିକ ଚିକିତ୍ସାପରେ ଅନ୍ୟ ଦୁଇଜଣ ଘରକୁ ଫେରିଯାଇଥିବା ଜଣାପଡିଛି ।
