ସମ୍ବଲପୁର:ସ୍ଥାନୀୟ ଯୁଯୁମୁରା ବ୍ଲକ ଅନ୍ତର୍ଗତ ଭୀମଖୋଜ ବଣରେ ଏକ ହାତୀ ମରି ପଡିଥିବାର ଖବର ପାଇ ଲୋକେ ସେଠାକୁ ଯିବାରୁ ଜଣା ପଡିଛି ଯେ ସେଠାରେ ଶିକାରୀ ମାନଙ୍କ ଦ୍ୱାରା ବିଛା ଯାଇଥିବା ସକ୍ରିୟ ବିଜୁଳି ତାର ଉପରେ ଗୋଡ଼ ଥାପି ତାହାର ମୃତ୍ୟୁ ହୋଇଛି । ଏବିଷୟରେ ସେଠାକାର ସ୍ଥାନୀୟ ସୂତ୍ରରୁ ମିଳିଥିବା ସୂଚନା ଅନୁସାରେ ରଘୁଡେରା ଗାଁ ପାଖରେ ଏଭଳି ଏକ ଅଭାବନୀୟ ଘଟଣା ଘଟିଛି । ସ୍ଥାନୀୟ ଶିକାରୀ ବଣୁଆ ବାରାହ ଶିକାର କରିବା ପାଇଁ ସେଠାରେ ଏହିପରି ବିଜୁଳି ତାର ବିଛାଇ ସେଥିରେ ସକ୍ରିୟ ବିଜୁଳି ସଂଚାରିତ କରି ଦିଅନ୍ତି ଓ ଅଜ୍ଞାନବଶ ସେଥିରେ ପ୍ରାୟତଃ ବଣୁଆ ବାରାହ ଫଶି ମୃତ୍ୟୁ ବରଣ କରନ୍ତି । ଗତ ରାତି ଦୁର୍ଭାଗ୍ୟକୁ ନିରୀହ ହାତୀ ତାହା ଉପରେ ପାଦ ଥାପି ମୃତ୍ୟୁ ମୁଖରେ ପଡ଼ିଥିଲା । ଖବର ପାଇ ସେଠାକାର ବନ ବିଭାଗୀୟ ଅଧିକାରୀ ଓ କର୍ମଚାରୀଙ୍କ ଘଟଣାସ୍ଥଳରେ ପହଞ୍ଚି ଏବିଷୟରେ ତଦନ୍ତ କରୁଛନ୍ତି ।
