ପାରଳାଖେମୁଣ୍ଡି,:- ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ରାଜଦାଣ୍ଡ ଠାରେ ପଥଉତ୍ସବ ଅନୁଷ୍ଠିତ ହୋଇଯାଇଛି । ଏହି ପଥ ଉତ୍ସବରେ ସହରର ବିଭିନ୍ନ ସାଂସ୍କୃତିକ ଦଳ ଉପସ୍ଥିତ ରହି ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । ଏତଦ ବ୍ୟତୀତ ସ୍ୱୟଂ ସହାୟକ ଗୋଷ୍ଠୀ ମାଆମାନେ ନିଜନିଜର ଉତ୍ପାଦିତ ଦ୍ରବ୍ୟକୁ ପ୍ରଦର୍ଶନ କରିଥିଲେ । ତା ସହିତ ରଙ୍ଗୋଲି କାର୍ଯ୍ୟକ୍ରମ ବୀର ବାଦ୍ୟ, ସ୍କେଟିଂ, ଟାଇକୋଣ୍ଡୋ, ସଙ୍ଗୀତ, ନୃତ୍ୟ ପରିବେଷଣ କରାଯାଇଥିଲା । ଏହି ଉତ୍ସବ ପାରଳା ପୌରପରିଷଦ ପକ୍ଷରୁ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ଗଜପତି ଜିଲ୍ଲାପାଳ ଲିଙ୍ଗରାଜ ପଣ୍ଡା, ପୌର ପରିଷଦ ଅଧ୍ୟକ୍ଷା ନିର୍ମଳା ସେଠୀ, ରାଜ କୁମାରୀ କଲ୍ୟାଣି ଗଜପତି, ଅତିରିକ୍ତ ଆରକ୍ଷୀ ଅଧିକ୍ଷକ ବାମ ଦେବ ସିଂ, ଭାରପ୍ରାପ୍ତ କାର୍ଯ୍ୟନିର୍ବାହୀ ଅଧିକାରୀ ନଟବର ଗଉଡ଼, ଉପାଧ୍ୟକ୍ଷ ପ୍ରମୁଖ ଉପସ୍ଥିତ ରହି ଏହି କାର୍ଯ୍ୟକ୍ରମକୁ ଉତ୍ସ ।ହିତ କରିଥିଲେ । ଏହି କାର୍ଯ୍ୟକ୍ରମରେ ସହରର ଜନ ସାଧାରଣ ଉପସ୍ଥିତ ରହି ପଥପ୍ରାନ୍ତ ନାଟକକୁ ଦେଖି ଖୁସି ବ୍ୟକ୍ତ କରିଥିଲେ ।
