ହରଭଙ୍ଗା,୮/୧- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକରେ ଆଜି ନୂତନ ବିଡ଼ିଓ ଭାବେ ଶ୍ରୀମତୀ ସ୍ୱପ୍ନିତା ନାୟକ କାର୍ଯ୍ୟରେ ଯୋଗଦେଇ ଦାୟିତ୍ୱ ଗ୍ରହଣ କରିଛନ୍ତି । ପ୍ରକାଶ ଥାଉକି ଏହା ପୂର୍ବରୁ ସେ କନ୍ଧମାଳ ଜିଲ୍ଲାର ଖଜୁରିପଡ଼ା ବ୍ଲକରେ ତହସିଲଦାର ଭାବେ ୩ ବର୍ଷରୁ ଉର୍ଦ୍ଧ୍ୱର୍ ସମୟ କାର୍ଯ୍ୟ କରିଛନ୍ତି । ଖଜୁରିପଡ଼ା ବ୍ଲକର ସମସ୍ତ ଜନସାଧାରଣଙ୍କ ସୁଖ ଦୁଃଖରେ ସାମିଲ ହୋଇ ସମସ୍ତଙ୍କୁ ଉତ୍ତମ ସେବା ଯୋଗାଇ ଦେଉଥିବାରୁ ସମସ୍ତଙ୍କର ପ୍ରିୟ ହୋଇରହିଥିଲେ । ଆଜି ଶ୍ରୀମତୀ ନାୟକଙ୍କ ଦାୟିତ୍ୱ ଗ୍ରହଣ ପରେ ବିଭିନ୍ନ ମହଲରୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଛି । ହରଭଙ୍ଗା ବ୍ଲକର ବିଭିନ୍ନ ସମସ୍ୟା ସମାଧନ ପ୍ରତି ଦୃଷ୍ଟି ଦେଇ ସେ କାର୍ଯ୍ୟ କରିବେ ବୋଲି ଶ୍ରୀମତୀ ନାଏକ ପ୍ରତିଶ୍ରୁତି ଦେଇଛନ୍ତି ।
