ନବରଙ୍ଗପୁର : ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ସଦର ଦହଣା ପଞ୍ଚାୟତର ଦହଣା ଗ୍ରାମର ତ୍ରିନାଥ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ଆଜି ଶୁକ୍ରବାର ଦିନ ଦହଣା ପାଇକ ସାହି ଠାରେ ଥିବା ଶ୍ରୀତ୍ରିନାଥ ଠାକୁରଙ୍କ ପ୍ରତିଷ୍ଠା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଗୁରୁବାର ଦିନ ବିରାଟ ପଟୁଆର ସହ ଗ୍ରାମବାସୀଙ୍କ ଦ୍ୱାରା କଳସ ଯାତ୍ରା କରି ପ୍ରତିଷ୍ଠା କାର୍ଯ୍ୟ ଆରମ୍ଭ କରାଯାଇଥିଲା । ବିଶିଷ୍ଟ କର୍ମକାଣ୍ଡ ବିତ୍ ତଥା ଜ୍ୟୋତିଶାଚାର୍ଯ୍ୟ ଶରତ ଚନ୍ଦ୍ର ତ୍ରିପାଠୀଙ୍କ ପୌରହିତ୍ୟ ରେ ପ୍ରତିଷ୍ଠା କାର୍ଯ୍ୟ ସମାପନ ହୋଇ ୫ ଘଣ୍ଟ ୩୦ ମିନିଟ ସମୟରେ ଗୋଧୂଳି ଲଗ୍ନେ ପୂର୍ଣ୍ଣାହୁତି ହୋଇଥିଲା । ସୌମ୍ୟକାନ୍ତ ତ୍ରିପାଠୀ ଓ ବିଚିତ୍ର ଶତପଥୀ ଓ ଅନ୍ୟାନ୍ୟ ସହଯୋଗୀ ମାନଙ୍କ ଦ୍ୱାରା ପ୍ରତିଷ୍ଠା କାର୍ଯ୍ୟକ୍ରମ ସମାପନ ହୋଇଥିବା ବେଳେ ମିଥୁନ ତ୍ରିପାଠୀ ଓ ତାଙ୍କ ପତ୍ନୀ କର୍ତ୍ତାକର୍ତ୍ତି ଭାବରେ ଦାୟିତ୍ୱ ତୁଲାଇଥିଲେ । ଏହି କାର୍ଯ୍ୟକ୍ରମ ରେ ଉମେଶ ଚନ୍ଦ୍ର ଦାସ, ସୁରେଶ ଚନ୍ଦ୍ର ତ୍ରିପାଠୀ, ଜୀବନ ତ୍ରିପାଠୀ, ଶ୍ରୀଚକ୍ର ଦାଶ, ଶ୍ରୀନିବାସ ଶତପଥି, ବିଭୁ ଶତପଥି, ଅମିତ ପାଇକ, ଦେବ ପାଇକ, ବାବୁଲି ପାଇକ, ବିଷ୍ଣୁ ପ୍ରସାଦ ତ୍ରିପାଠୀ, ଗଣେଶ ଗୌଡ଼ ଏବଂ ଗ୍ରାମ ବାସୀ ଓ ପ୍ରତିଷ୍ଠା କମିଟି ର ସମସ୍ତଙ୍କ ସମ୍ପୁର୍ଣ୍ଣ ସହଯୋଗ ରେ ପ୍ରତିଷ୍ଠା କାର୍ଯ୍ୟ ସମାପନ ହୋଇଥିଲା ।
