ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ରାଜଦାଣ୍ଡ ଠାରୁ ସିପିଆଇର ଜିଲ୍ଲା ସମ୍ପାଦକ ତଥା ବିକେଏମ୍ଡବ୍ଲୁର ରାଜ୍ୟ ସଭାପତି ଜେନା ସୁବାଷ ରାଓଙ୍କ ନେତୃତ୍ୱରେ ମହିଳା ମାନେ ଏକ ରାଲି ବାହାରି ଜିଲ୍ଲା ପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚି ବିଭିନ୍ନ ଦାବି ନେଇ ବିକ୍ଷୋଭ ପ୍ରଦର୍ଶନ କରିଥିଲେ । ଦାବି ଗୁଡିକ ହେଲା ମହିଳା ମାନଙ୍କୁ ପେନସନ ବୃଦ୍ଧି କରିବା, ମହିଳା ଶ୍ରମିକ ମାନଙ୍କୁ ସମାନ କାମ ପାଇଁ ସମାନ ମଜୁରୀ ଦେବା, ଋଣ ପ୍ରଦାନ କରିବା, ବୃଦ୍ଧା, ବିଧବା, ଭିନ୍ନକ୍ଷମମାନଙ୍କ ମଞ୍ଜୁରୀ ଅର୍ଥ ବ୍ୟାଙ୍କ ଖାତାରେ ନ ପକାଇ ନିଜ କର୍ମଚାରୀମାନଙ୍କ ଦ୍ୱାରା ଘରକୁ ଯାଇ ସେମାନଙ୍କ ହାତରେ ପ୍ରଦାନ କରିବା,ଏହି ଭଳି ବିଭିନ୍ନ ଦାବି ନେଇ ଜିଲ୍ଲାପାଳଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏହି ଦାବିପତ୍ର ପ୍ରଦାନ କରାଯାଇଥିବାର ଜଣା ପଡିଛି ।
