ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ହରଭଙ୍ଗା ଗ୍ରାମ ପଂଚାୟତର ପୂର୍ବତନ ସମିତିସଭ୍ୟ ତଥା ସମାଜସେବୀ ମହଞ୍ଜି ଲାଲ (୬୦)ଙ୍କ ପରଲୋକ ଆଜି ହୋଇଯାଇଛି । ଖବରରୁ ଜଣାପଡିଛି ଯେ, ଆଜି ପ୍ରାତଃରୁ ଶ୍ରୀ ଲାଲ ଗାଧୁଆ ଘରକୁ ଯାଉଥିବା ସମୟରେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ସଙ୍ଗେ ସଙ୍ଗେ ଘର ଲୋକେ ହରଭଙ୍ଗା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ନେଇଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବୌଦ୍ଧ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା । ଡାକ୍ତରଖାନରେ ଚିକିତ୍ସାଧୀନ ଆବସ୍ଥାରେ ସେ ହୃଦଘାତରେ ପରଲୋକ ହୋଇଥିବା ଡାକ୍ତର ସୂଚନା ଦେଇଥିଲେ । ସେ ଜଣେ ସମାଜସେବୀ, ପରୋପକାରୀ, ମିଷ୍ଟଭାଷୀ ହୋଇଥିବାରୁ ତାଙ୍କ ମୃତ୍ୟୁରେ ହରଭଙ୍ଗା ଅଂଚଳରେ ଶୋକରଛାୟା ଖେଳିଯାଇଛି । ହରଭଙ୍ଗା ଅଂଚଳରୁ ବହୁ ବୁଦ୍ଧିଜୀବୀ, ସମାଜସେବୀ, ସାମ୍ବାଦିକମାନେ ତାଙ୍କ ଶେଷ ଦର୍ଶନ ପାଇଁ ତାଙ୍କ ବାସଭବନରେ ପହଂଚି ଥିଲେ । ତାଙ୍କ ଶେଷ କୃତ୍ୟ ନିଜ ଗ୍ରାମ ହରଭଙ୍ଗାରେ ହୋଇଥିବା ବେଳେ ତାଙ୍କ ପୁତ୍ର ସୁମଞ୍ଜିଲାଲ ମୁଖାଗ୍ନି ଦେଇଥିଲେ । ଏହି ସମୟରେ ତାଙ୍କ ଭାଇ ହରେନ ଲାଲ, ହାଡ଼ିଆ ଲାଲଙ୍କ ସମେତ ସପରିବାର ଉପସ୍ଥିତ ଥିଲେ ।
