ଘୁ ଉଦୟଗିରି:ଆଜି ଘୁ ଉଦୟଗିରି ସ୍ଥିତ ଗୁଡ୍ରିପଡ଼ି ଓ କଲେଜ୍ ଛକଠାରେ ଆଞ୍ଚଳିକ ପରିବହନ ସବଇନ୍ସପେକ୍ଟର ଶିବାନୀ ମାଝୀ, କନେଷ୍ଟବଳ ପୂଜା ରାଣୀ ସାହୁ, ସ୍ଥାନୀୟ ପୋଲିସ ଏସଆଇ ସିଏଚ କାମରାଜୁ ଓ ଅନ୍ୟ ପୋଲିସ କର୍ମଚାରୀଙ୍କ ମିଳିତ ପ୍ରୟାସରେ ସ୍ଥାନୀୟ ଗୁଡ୍ରିପଡ଼ି ନିକଟରେ ଲାଇସେନ୍ସ, ହେଲମେଟ, ହାଇ ସିକ୍ୟୁରିଟି ନମ୍ୱର୍ ପ୍ଲେଟ ସହ ଗାଡ଼ିର ସମସ୍ତ କାଗଜପତ୍ର ଯାଞ୍ଚ କରୁଥିବା ଦେଖିବାକୁ ମିଳିଛି । ସ୍ଥାନୀୟ ସହରର ଅନେକ ଗାଡ଼ି ଆର୍ଟିଓ ଯାଞ୍ଚ୍କୁ ଭୟ କରି ଅଧା ରାସ୍ତାରେ ଅଟକି ରହିଥିବା ବେଳେ ଟ୍ରାକ୍ଟର, ଅଟୋ, ବାଇକ୍ କେତୋଟି ଯାଞ୍ଚ ହୋଇଥିଲା । କେତେକ ବାଇକ୍ ହାଇ ସିକ୍ୟୁରିଟି ନମ୍ୱର୍ ପ୍ଲେଟ, ଇନ୍ସୁରାନ୍ସ, ପଲ୍ୟୁସନ୍ ଟେଷ୍ଟ ଓ ଡ୍ରାଇଭିଂ ଲାଇସେନ୍ସ ନ ଥିବା ଗାଡି ଗୁଡ଼ିକ ଯାଞ୍ଚ କରି ଫାଇନ କରି ଦଣ୍ଡିତ କରାଯାଇଥିବା ସୂଚନା ରହିଛି । ତେବେ ପ୍ରଥମେ ଗୁଡ୍ରିପଡ଼ି ଛକରେ ଯାଞ୍ଚ ପରେ ସ୍ଥାନୀୟ କଳିଙ୍ଗ ମହାବିଦ୍ୟାଳୟ ନିକଟରେ ମଧ୍ୟ ଯାଞ୍ଚ ହୋଇଥିଲା । ଏଥିରେ ଅନେକ ଚାଳକ ମାନଙ୍କୁ ହେଲମେଟ ବାଧ୍ୟତାମୂଳକ ବ୍ୟବହାର ସହ ଗାଡ଼ି ସମ୍ବନ୍ଧିତ ସମସ୍ତ କାଗଜ ପତ୍ର ଠିକ୍ ରଖିବାକୁ ପରିବହନ ଅଧିକାରୀଙ୍କ ଦ୍ୱାରା ସଚେତନ କରାଯାଉଥିବା ବେଳେ ଫାଇନ ମଧ୍ୟ କରାଯାଇଥିଲା ।
