କୋକସରା,୨୫/୨- କଳାହାଣ୍ଡି ଜିଲ୍ଲା କୋକସରା ବ୍ଲକ ଗୋତୋମୁଣ୍ଡା ଧାନ ମଣ୍ଡି ପରିସରରେ କଳାହାଣ୍ଡି କଳଚୁରୀ କଲାର ସେନା ପକ୍ଷରୁ ଯୁବ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଚୂଡ଼ାମଣି ନାଏକଙ୍କ ସଭାପତିତ୍ୱରେ ଆୟୋଜିତ ସଭାରେ ଶିକ୍ଷା ଆର୍ଥିକ ବିକାଶ ଓ ସଂଗଠିତ ସମାଜପାଇଁ ଅତିଥିମାନେ ମତବ୍ୟକ୍ତ କରିଥିଲେ । ସଂଖ୍ୟାଲଘୁ ସମାଜ ଭାବରେ ବିଭିନ୍ନ ସମୟରେ ପଛୁଆ ହୋଇ ରହିଯାଇଥିବା ବେଳେ ଲୋକଲୋଚନ ଓ କ୍ଷତ୍ରିୟ ସହସ୍ରାର୍ଜୁନ ମହାପ୍ରଭୁଙ୍କ ବଂଶଜ ଓଡ଼ିଶାରେ କ୍ଷତ୍ରିୟ ବଂଶଜଙ୍କ ବାର୍ତ୍ତା ପହଞ୍ଚିପାରିବ ସେନେଇ ଯୁବବର୍ଗ ସଂକଳ୍ପ କରିଥିଲେ । କଳାହାଣ୍ଡି କଳଚୁରୀ କଳାର ସେନା ପକ୍ଷରୁ ଆୟୋଜିତ ଉକ୍ତ ସଭାରେ ଛତିଶଗଡ଼ ଓ କଳାହାଣ୍ଡିର ବିଭିନ୍ନ ପ୍ରାନ୍ତରୁ କଲଚୁରୀ କଲାର ସମାଜର ସଦସ୍ୟ ଉପସ୍ଥିତ ଥିଲେ । ଏହି ଅବସରରେ କଳାହାଣ୍ଡି କଳଚୁରୀ କଲାର ସେନାର ନୂତନ କର୍ମକର୍ତ୍ତା ଚୟନ କରାଯାଇଥିଲା । ସର୍ବସମ୍ମତିକ୍ରମେ କଳାହାଣ୍ଡି କଳଚୁରୀ କଳାର ସଭାପତି ଭାବେ ଚୂଡାମଣି ନାଏକ, ଉପସଭାପତି ପୂର୍ଣ୍ଣଚନ୍ଦ୍ର ନାଏକ, ସମ୍ପାଦକ ଭାରତ ବିଶି , ସହ ସମ୍ପାଦକ ବାଳକୃଷ୍ଣ ବିଶି, କୋଷାଧ୍ୟକ୍ଷ ହେମନ୍ତ ବିଶି ମନୋନୀତ ହୋଇଥିଲେ । କଳିଙ୍ଗ କଳଚୁରି କଳାର ସେନା ପ୍ରଦେଶ ସଂଯୋଜକ ବିରଞ୍ଜନ ନାଏକ ମଞ୍ଚ ପରିଚାଳନା କରିଥିବାବେଳେ ପୂର୍ଣ୍ଣଚନ୍ଦ୍ର ନାଏକ ଧନ୍ୟବାଦ ଅର୍ପଣ କରିଥିଲେ ।
