“ନବରଙ୍ଗପୁର ୨।୩: ନବରଙ୍ଗପୁର ଥାନା ସର୍କିଟହାଉସ୍ ରୋଡରେ ଏକ କୋଇଲା ବୋଝେଇ ଟ୍ରକ ସହ ବାଇକର ମୁହାଁମୁହିଁ ଧକ୍କାରେ ପୁଲିସ କର୍ମଚାରୀଙ୍କ ଜୀବନ ଚାଲିଯାଇଛି । ତାଙ୍କ ନାଁ ନକୂଳମାଝୀ (୨୭) । ସେ ନବରଙ୍ଗପୁର ରିଜର୍ଭ ପୁଲିସ ମୁଖ୍ୟାଳୟରେ ଓପିଏଫ କର୍ମଚାରୀ ଭାବେ କାର୍ଯ୍ୟ କରୁଥିଲେ । ତାଙ୍କ ଘର ରାଇଘର ବ୍ଲକ ତହରା ଗାଁରେ । ଆଜି ଅପରାହ୍ନ ରିଜର୍ଭପୁଲିସ ମୁଖ୍ୟାଳୟରେ କାମ ସାରି ନକୂଳ ସର୍କିଟହାଉସକୁ ଫେରୁଥିଲେ । ବିପରିତ ଦିଗରୁ ଭବାନିପାଟଣାରୁ ବିଶାଖାପାଟଣା ଅଭିମୁଖେ ଯାଉଥିବା ଏକ କୋଇଲା ବୋଝେଇ ଟ୍ରକ ନଂ ଏପି୦୭-ଟିପି୮୨୯୮ ସହ ବାଇକର ମୁହାଁମୁହିଁ ଧକ୍କା ହୋଇଥିଲା । ମୁହାଁମୁହିଁ ଧକ୍କାରେ ବାଇକ ଉପରେ ଚଢିଯାଇଥିବା ବେଳେ ନକୂଳ ରାସ୍ତା ଉପରେ ଛିଟକି ପଡିଥିଲେ । ଘଟଣା ସ୍ଥଳରେ ପ୍ରବଳ ରକ୍ତସ୍ରାବ ବହି ନକୂଳଙ୍କ ମୃତ୍ୟୁ ହୋଇଯାଇଥିଲା । ନବରଙ୍ଗପୁର ପୁଲିସ ପହଞ୍ଚି ଶବକୁ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟଚିକିତ୍ସାଳୟକୁ ପଠାଇଦେଛି । ଟ୍ରକ୍ ଡ୍ରାଇଭର ଓ ହେଲପରଙ୍କୁ ଥାନାରେ ଅଟକ ରଖି ତଦନ୍ତ ଆରମ୍ଭ କରିଛି ।”
