ପୁରୀ :ପୁରୀ ଅବକାରୀ ଅଧିକ୍ଷକ ଜଗଦୀଶ ଚନ୍ଦ୍ର ସାମଲଙ୍କ ନିର୍ଦ୍ଦେଶକ୍ରମେ ପୁରୀ ଅବକାରୀ ଥାନା ଭାରପ୍ରାପ୍ତ ଅଧିକାରୀ ସ୍ୱୟଂପ୍ରଜ୍ଞା ଶୁଭଦର୍ଶୀନୀଙ୍କ ନେତୃତ୍ୱରେ ଏକ ଟିମ ଗଠନ କରି ପି. ପାଣ୍ଡବ ପାତ୍ର ଏବଂ ବସନ୍ତ ପାତ୍ରଙ୍କୁ ଚନ୍ଦନପୁର ଥାନା ଅଧୀନ ତୁଳସୀ ଚଉରା ଛକ ନିକଟରୁ ଗିରଫ କରିଛନ୍ତି । ତାଙ୍କ ନିକଟରୁ ୬୩୦ କିଗ୍ରା ଭାଙ୍ଗ ଓ ଟାଟା ଏସି ଗୋଲ୍ଡ ଗାଡ଼ି ଜବତ କରାଯାଇଛି । ପୁରୀ ଅବକାରୀ ଥାନା କେସ ନଂ -୨୭୧/୨୨-୨୩ରେ ଅଭିଯୁକ୍ତ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଥିବାବେଳେ ଜାମିନ ନାମଞ୍ଜୁର ହେବାରୁ ପୁରୀ କାରାଗାରକୁ ପଠାଯାଇଛି । ଜବତ ଭାଙ୍ଗର ମୂଲ୍ୟ ପ୍ରାୟ ଛଅ ଲକ୍ଷ ତିରିଶି ହଜାର ଟଙ୍କାରୁ ଉଦ୍ଧ୍ୱର୍ ହେବ । ସେହିପରି, ପୁରୀ ଅବକାରୀ ଥାନା ଏଆଇସି ସନ୍ତୋଷ କୁମାର ନାୟକଙ୍କ ନେତୃତ୍ୱରେ ଏକ ଟିମ୍ ଚଢାଉ କରି ସନ୍ତୋଷ ପାତ୍ର(୪୦)ଙ୍କୁ ପୁରୀ ସଦର ଥାନା ଅନ୍ତର୍ଗତ ଚକ୍ରବର୍ତ୍ତୀ ଛକରୁ ଗିରଫ କରିଛନ୍ତି । ତାଙ୍କ ନିକଟରୁ ୬୦କି.ଗ୍ରା ଭାଙ୍ଗ ଓ ଏକ ସ୍ପେଲଣ୍ଡର+ ଦୁଇ ଚକିଆ ଗାଡ଼ି ଜବତ କରାଯାଇଛି । ପୁରୀ ଅବକାରୀ ଥାନା କେସ ନମ୍ୱର୍ ୨୭୨/୨୨-୨୩ରେ କୋର୍ଟ ଚାଲାଣ କରାଯାଇ ଥିବା ବେଳେ ଜାମିନ ନାମଞ୍ଜୁର ହେବାରୁ ପୁରୀ କାରାଗାରକୁ ପଠାଯାଇଛି । ଜବତ ଭାଙ୍ଗର ମୂଲ୍ୟ ପ୍ରାୟ ସାଠୀଏ ହଜାରରୁ ଉଦ୍ଧ୍ୱର୍ ହେବ । ଏହି ଚଢ଼ାଉରେ ଅବକାରୀ ଏସ୍ଆଇ ନାରାୟଣ ବେହେରା, ପୂର୍ଣ୍ଣଚନ୍ଦ୍ର ନାୟକ, ମାନସ କୁମାର ମିଶ୍ର, ଭିକ୍ଟୋରିଆ ଦୁଙ୍ଗୁଡୁଙ୍ଗୁ, ଅଭିଜିତ ପ୍ରଧାନ, ପ୍ରଦୀପ୍ତ ପଣ୍ଡା, ଦିପ୍ତିରଞ୍ଜନ ଦାସ, ଫିରୋଜ ମହାନନ୍ଦିଆ, ଜଗନ୍ନାଥ ଦାସ ପ୍ରମୁଖ ସାମିଲ ଥିଲେ ।
