ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକର ମୂଳ ବାସିନ୍ଦା ତଥା ଛତିଶଗଡ ରାୟପୁର ସହର ବିଶିଷ୍ଟ ବ୍ୟବସାୟୀ ଓ ସମାଜ ସେବୀ ମାତାଦିନ ଅଗ୍ରୱାଲ ଓ ସହଧର୍ମିଣୀ ଗୋଦାବରୀ ଅଗ୍ରୱାଲଙ୍କ ନିଜସ୍ୱ ଉଦ୍ୟମରେ ଅଂଚଳର ଅସହାୟ, ବିଧବା ମହିଳାଙ୍କୁ ମାଗଣାରେ ପୁରୀ ଶ୍ରୀକ୍ଷେତ୍ର ଜଗା ଦର୍ଶନ ପାଇଁ ଗୁରୁବାର ଦିନ ପଠାଇଯାଇଛି । ଏନେଇ ଗୁରୁବାର ଦିନ ପୁରୁଣାକଟକ ଭୈରବୀ କ୍ଳବ ଠାରେ ଏକ ସଭା ଆୟୋଜନ କରା ଯାଇଥିଲା । ଏଥିରେ ସ୍ଥାନୀୟ ସରପଞ୍ଚ ଅଶୋକ ସେଠି ଯୋଗ ଦେଇ ଶ୍ରୀ ଅଗ୍ରୱାଲଙ୍କ ନିସ୍ୱାର୍ଥପର କାର୍ଯ୍ୟକୁ ପ୍ରଶଂସା କରିଥିଲେ । ଶ୍ରୀ ଅଗ୍ରୱାଲ ବିଭିନ୍ନ ସମୟରେ ପୁରୀ ଶ୍ରୀକ୍ଷେତ୍ରକୁ ପ୍ରତି ବର୍ଷ ବୃଦ୍ଧବୃଦ୍ଧା ଅସହାୟ, ବିଧବା ମହିଳା ମାନଙ୍କୁ ଏକ ସ୍ୱତନ୍ତ୍ର ବସ ମାଧ୍ୟମରେ ଜଗା ଦର୍ଶନ ପାଇଁ ଦୀର୍ଘ ୭ ବର୍ଷ ହେଲା ଏହି କାର୍ଯ୍ୟକ୍ରମ କରି ଆସୁଥିବା ବେଳେ ଚଳିତ ବର୍ଷ ଏଥିରେ ପ୍ରାୟ ୭୦ରୁ ଉଦ୍ଧ୍ୱର୍ ମହିଳାଯାତ୍ରା କରିଥିବା ବେଳେ ସମସ୍ତ ମହିଳାଙ୍କୁ ସ୍ୱତନ୍ତ୍ର ବ୍ୟାଞ୍ଜ ପ୍ରଦାନ କରାଯାଇଥିଲା ଏବଂ ତାଙ୍କୁ ଭ୍ରମଣ ଦର୍ଶନରେ ସଦାଶିବ ବେହେରା, ଓ ଅନ୍ତର୍ଯ୍ୟାମୀ ମିଶ୍ରଙ୍କ ତତ୍ତ୍ୱବାଧନରେ ପୁରୀ ପଠା ଯାଇଥିଲା । ଏହି କାର୍ଯ୍ୟକ୍ରମରେ ରାଧେଶ୍ୟାମ ଅଗ୍ରୱାଲ, ଗିରିଜା ଶଙ୍କର ପଟ୍ଟନାୟକ, ବାଳକୃଷ୍ଣ ନାୟକ ଉପସ୍ଥିତ ରହି ମହିଳା ମାନଙ୍କୁ ଜଗା ଦର୍ଶନ ସମୟରେ ଯିବା ଆସିବାର ମାର୍ଗ ଦର୍ଶନ ଦେଇଥିଲେ । ଶ୍ରୀ ଅଗ୍ରୱାଲଙ୍କ ଏଭଳି ମହତ କାର୍ଯ୍ୟକୁ ହରଭଙ୍ଗା ବ୍ଲକ ବୁଦ୍ଧିଜୀବୀ ମହଲରେ ପ୍ରଶଂସା କରାଯାଇଥିବା ଜଣାପଡିଛି ।
