ହରଭଙ୍ଗା : ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ପୁରୁଣାକଟକ ଥାନା ଯୋଗୀପଥର ନିକଟସ୍ଥ ଖୋର୍ଦ୍ଧା ବଲାଙ୍ଗୀର୫୭ ନମ୍ବର ଜାତୀୟ ରାଜପଥ ପାର୍ଶ୍ୱରେ ବୁଧବାର ଜଣେ ଅଚିହ୍ନା ମହିଳାଙ୍କ ଗଳିତ ସବ ଉଦ୍ଧାର ହୋଇଥିବା ସୂଚନା ମିଳିଛି । ପ୍ରାପ୍ତ ସୂଚନା ମତେ ଆଜି ୫୭ ନମ୍ବର ଜାତୀୟ ରାଜପଥରେ ଯାଉଥିବା କିଛି ବ୍ୟକ୍ତି ଯୋଗୀପଥର ଠାରେ ଆଜି ସନ୍ଧ୍ୟା ୫ଟା ସମୟରେ ରାଜ ରାସ୍ତା ପାର୍ଶ୍ୱରେ ଜଣେ ମହିଳାଙ୍କ ଗଳିତ ଶବ ଦେଖିବାକୁ ପାଇ ହରଭଙ୍ଗା ବ୍ଲକର ଗଣମାଧ୍ୟମକୁ ଖବର ଦେଇଥିଲେ । ଖବର ପାଇ ଗଣମାଧ୍ୟମ ପ୍ରତିନିଧିମାନେ ପୁରୁଣାକଟକ ଥାନାକୁ ଖବର ଦେଇଥିଲେ । ଖବର ପାଇ ପୁରୁଣାକଟକ ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡ଼ିଛି । ଏ ପର୍ଯ୍ୟନ୍ତ ମୃତ ମହିଳାର ପରିଚୟ ମିଳିପାରିନାହିଁ । ସନ୍ଦେହ କରାଯାଉଛି ଯେ, ଏହା ଏକ ସୁପରିକଳ୍ପିତ ହତ୍ୟା ଅଥବା ଯୌନ କେଳେଙ୍କାରୀ ହତ୍ୟା ଘଟଣା । ପୋଷ୍ଟମର୍ଟମ ପରେ ସତ୍ୟ ସାମ୍ନାକୁ ଆସିବ ବୋଲି କୁହାଯାଉଛି ।
