ଦଶପଲ୍ଲା : – ଦଶପଲ୍ଲା ଏନଏସି ଅନ୍ତର୍ଗତ ୫ନମ୍ବର ୱାର୍ଡର ପିଙ୍କି ଛକ ନିକଟରୁ ଗୁରୁବାର ଦିନ ସନ୍ଧ୍ୟା ୮ ଟା ସମୟରେ ଏକ ହରିଣ ଛୁଆ ଉଦ୍ଧାର ହୋଇଛି । ହରଣଟି ଜଙ୍ଗଲରୁ ସହର ଅଭିମୁଖେ ମାଡି ଆସୁଥିଲା ବେଳେ କୁକୁର ପଲ ଆକ୍ରମଣ କରିଥିଲେ । ସ୍ଥାନୀୟ ଲୋକେ ଏହା ଦେଖି ବନବିଭାଗକୁ ଖବର ଦେବା ପରେ ବିଭାଗୀୟ କର୍ମଚାରୀ ପହଞ୍ଚି କ୍ଷତାକ୍ତ ମୃଗ ଛୁଆକୁ ଉଦ୍ଧାର କରି ଚିକିତ୍ସା ନିମନ୍ତେ ପଶୁ ଡାକ୍ତରଖାନାରେ ଭର୍ତ୍ତି କରିଥିଲେ । ଚିକିତ୍ସା ପରେ ବନବିଭାଗ କାର୍ଯ୍ୟାଳୟକୁ ନେଇଥିଲେ । ପରେ ଖୋଲା ସ୍ଥାନରେ ଛାଡିବାର ବ୍ୟବସ୍ଥା କରାଯାଇଥିଲା ।
