ପୁରୀ :ପୁଣି ପୁରୀ ରେଳ ଷ୍ଟେସନରେ ଅଗ୍ନିକାଣ୍ଡ । ୱାଶିଂ ଲାଇନର ବ୍ୟାଟେରୀ ଚାର୍ଜିଙ୍ଗ ରୁମରେ ଘଟିଛି ଅଗ୍ନିକାଣ୍ଡ । ସର୍ଟ ସର୍କିଟ ଯୋଗୁଁ ୱାଶିଂ ଲାଇନର ୨୪, ୨୫ ନମ୍ବରରେ ଥିବା ବ୍ୟାଟେରୀ ଚାର୍ଜିଙ୍ଗ ରୁମରେ ଘଟିଛି ଅଗ୍ନିକାଣ୍ଡ । ତେବେ ଘଟଣାସ୍ଥଳରେ ଉପସ୍ଥିତ ଥିବା ରେଳ କର୍ମଚାରୀ ମାନେ ସଙ୍ଗେ ସଙ୍ଗେ ନିଆଁକୁ ଆୟତ୍ତ କରିବା ପାଇଁ ଉଦ୍ୟମ କରିଥିଲେ । ପରେ ଅଗ୍ନିଶମ ବିଭାଗକୁ ଜିଆରପି ଓ ଆରପିଏଫ ଅଧିକାରୀ ମାନେ ଖବର ଦେବା ପରେ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି କବାଟ ଭାଙ୍ଗି ନିଆଁକୁ ସମ୍ପୁର୍ଣ୍ଣ ଆୟତ୍ତ କରିବାରେ ସଫଳ ହୋଇଥିଲେ । ଗୁରୁବାର ସନ୍ଧ୍ୟା ୮ଟାରେ ଏହି ଅଗ୍ନିକାଣ୍ଡ ଘଟିଥିବା ବେଳେ ୱାଶିଂ ଲାଇନର ବ୍ୟାଟେରୀ ଚାର୍ଜିଙ୍ଗ ରୁମରେ ଥିବା ବ୍ୟାଟେରୀ, ଫ୍ୟାନ ସମ୍ପୂର୍ଣ୍ଣ ଜଳି ଯାଇଛି । ତେବେ ପାଖରେ ଏକ ଟ୍ରେନ ଥିବାରୁ ସୌଭାଗ୍ୟ ବଶତଃ ସେଥିରେ ନିଆଁ ଲାଗିନଥିଲା । ଫଳରେ ଏକ ବଡ଼ ଅଘଟଣରୁ ବର୍ତ୍ତି ଯାଇଛି ରେଳ ଷ୍ଟେସନ ।
