ପୁରୀ : ପୁରୀ ବଡ଼ଦାଣ୍ଡ ପୁଣି ହୋଇଛି ରକ୍ତରଞ୍ଜିତ । ଗତକାଲି ରାତିରେ ଗଜପତି ନଗର ସମ୍ମୁଖରେ ଜଣେ ରଙ୍ଗମିସ୍ତ୍ରୀଙ୍କୁ ୭ ଜଣ ଦୁର୍ବୃତ୍ତ ହାଣିଥିବା ଅଭିଯୋଗ ହୋଇଛି । ଗୁରୁତର ଆହତ ରଙ୍ଗମିସ୍ତ୍ରୀ ହେଉଛନ୍ତି ମାଟିଆପଡ଼ା ଅଞ୍ଚଳ କୁମୁଟି ସାହିର ପୂର୍ଣ୍ଣଚନ୍ଦ୍ର ଦାସ । ପୂର୍ବ ବିବାଦକୁ କେନ୍ଦ୍ର କରି ଏହି ଆକ୍ରମଣ ହୋଇଥିବା ସନ୍ଦେହ କରାଯାଉଛି । ପୂର୍ଣ୍ଣଚନ୍ଦ୍ରଙ୍କ ହାତ, ମୁହଁ, ପେଟ ଓ ଗଳାରେ ଆଘାତ ଲାଗିଛି । ତାଙ୍କ ସ୍ତ୍ରୀ ରୀନା ଦାସ ଏ ନେଇ କୁମ୍ଭାରପଡ଼ା ଥାନାରେ ଅଭିଯୋଗ କରିଛନ୍ତି ।
