ହରଭଙ୍ଗା : ଖୋର୍ଦ୍ଧା-ବଲାଙ୍ଗୀର ୫୭ ନମ୍ବର ଜାତୀୟ ରାଜପଥ ପୁରୁଣା କଟକ ଥାନା ଆଡେନିଗଡ଼ ଫାଣ୍ଡି ଅଧିନସ୍ତ ବନଦୁର୍ଗା ମନ୍ଦିର ନିକଟରେ ଗତକାଲି ବିଳମ୍ବିତ ରାତିରେ ଏକ ଟାୱାର ସାମଗ୍ରୀ ବୋଝେଇ ଆଇଚର ଗାଡି ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି । ସୂଚନା ମତେ ( ଗଐ ୪୮ଈ ଗ୯୪୪୬) ନାମକ ଆଇଚରଟି ଭୁବନେଶ୍ୱରଠୁ ବଲାଙ୍ଗୀର ଅଭିମୁଖେ ଟାୱାର ସାମଗ୍ରୀ ବୋଝେଇ କରି ଯାଉଥିବା ସମୟରେ ଉକ୍ତ ବନଦୁର୍ଗା ମନ୍ଦିର ନିକଟରେ ଚାଳକ ଭାରସାମ୍ୟ ହରାଇଥିବାରୁ ଟ୍ରକଟି ରାସ୍ତା କଡ଼କୁ ଓଲଟି ପଡ଼ିଥିବା ବେଳେ ଅଳ୍ପକେ ବଡ଼ ଦୁର୍ଘଟଣାରୁ ଚାଳକ ଓ ଖଳାସୀ ବର୍ତ୍ତି ଯାଇଥିବା ଜଣାପଡିଛି । ଘଟଣାକୁ ନେଇ ଆଡେନିଗଡ଼ ଫାଣ୍ଡି ଅଧିକାରୀ ଘଟଣା ସ୍ଥଳରେ ପହଁଚି ତଦନ୍ତ ଜାରି ରଖିଥିବା ଜଣାପଡିଛି ।
