ଦଶପଲ୍ଲା : ଆଜି ଦଶପଲ୍ଲା ସଂକଳ୍ପ ସାହିତ୍ୟ ସେବା ଅନୁଷ୍ଠାନ ତରଫରୁ ଦଶପଲ୍ଲା ମେଡିକାଲ ଛକ, ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ନିକଟରେ ବାଇକ୍ ଆରୋହୀଙ୍କ ସଚେତନତା ନିମନ୍ତେ ଏକ ପଥପ୍ରାନ୍ତ ସଚେତନତା କାର୍ଯ୍ୟକ୍ରମ କରାଯାଇଥିଲା । ଯେଉଁ ବାଇକ୍ ଆରୋହୀମାନେ ହେଲମେଟ ପରିଧାନ କରିଥିଲେ ସେମାନଙ୍କୁ ଗୋଲାପ ଫୁଲ ଓ ଯେଉଁମାନେ ବିନା ହେଲମେଟ୍ରେ ଗାଡ଼ି ଚାଳନା କରୁଥିଲେ ସେମାନଙ୍କୁ ଚକ୍ଲେଟ୍ ଦେଇ ସଚେତନ କରିବା ସହିତ ସଡ଼କ ସୁରକ୍ଷା ଓ ହେଲମେଟ ପରିଧାନ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମରେ ସଭାପତି ଗୋଲକ ବିହାରୀ ମହାନ୍ତି, ପ୍ରକାଶ କୁମାର ପାଣି, କିଶୋର ଦଳବେହେରା, ପ୍ରସନ୍ନ କୁମାର ପଣ୍ଡା, ପାଣୁଚରଣ ବେହେରା, ଚିତ୍ତରଂଜନ କର, ମନୋରଞ୍ଜନ ବେହେରା ପ୍ରମୁଖ ଯୋଗଦେଇ ବାଇକ୍ ଆରୋହୀମାନଙ୍କୁ ସଚେତନ କରାଇଥିଲେ ।
