ଘୁ ଉଦୟଗିରି:କନ୍ଧମାଳ ଜିଲ୍ଲା ରାଇକିଆ ବ୍ଲକ ମାଣିକେଶ୍ୱର ପଞ୍ଚାୟତ ଅନ୍ତର୍ଗତ ବନାଞ୍ଚଳ ସିନ୍ଦୁରି ଗାଁ ନିକଟ ଜଙ୍ଗଲରେ ନିଆଁ ଲଗାଇବା ଅଭିଯୋଗରେ ୪ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ମିଳିଛି । ପ୍ରାପ୍ତ ସୂଚନା ଅନୁସାରେ ରାଇକିଆ ରେଞ୍ଜର ମାଣିକେଶ୍ୱରୀ ପଟ୍ଟନାୟକ ମାଣିକେଶ୍ୱର ବାନାଞ୍ଚଳରେ ଗତକାଲି ରାତିରେ ଜଙ୍ଗଲ କାଟି ନିଆଁ ଲଗାଉଥିବା ଖବର ପାଇଥିଲେ । ତୁରନ୍ତ ଏକ ଟିମ ଗଠନ କରି ରାତି ପ୍ରାୟ ୮ ଟା ସମୟରେ ଘଟଣା ସ୍ଥଳକୁ ପହଞ୍ଚିଥିଲେ । ସେଠାରେ ଜଙ୍ଗଲ କାଟି ୪ ଜଣ ବ୍ୟକ୍ତି ନିଆଁ ଲଗାଇଥିବା ବେଳେ ସେମାନଙ୍କୁ ସତର୍କତାର ସହ ବନବିଭାଗ ୪ ଜଣଙ୍କୁ କାବୁ କରିବାରେ ସମର୍ଥ ହୋଇଥିଲେ । ସେମାନଙ୍କ ଠାରୁ ଦୁଇଟି କଟୁରୀ, ଦୁଇଟି ଦିଆସିଲ ଏବଂ ଦୁଇଟି କୁରାଢ଼ି ବନ ବିଭାଗ ଦ୍ୱାରା ଜବତ କରାଯାଇଛି । ଗିରଫ ହୋଇଥିବା ଅଭିଯୁକ୍ତ ମାନେ ହେଲେ ରାଇକିଆ ମାଣିକେଶ୍ୱର ପଞ୍ଚାୟତ ଅନ୍ତର୍ଗତ ବାଡାମାହା ଗ୍ରାମର ଭିମଶେନ ପ୍ରଧାନ, ଦେବାନନ୍ଦ ପ୍ରଧାନ, ସୁରେନ୍ଦ୍ର ମଲ୍ଲିକ ଏବଂ ଦିନବନ୍ଧୁ ପ୍ରଧାନ ବୋଲି । ସମସ୍ତ ଅଭିଯୁକ୍ତ ମାନଙ୍କୁ ୫/୨୩ ରେ ଏକ ମାମଲା ରୁଜ୍ଜୁ କରି କୋର୍ଟ ଚାଲାଣ କରାଯାଇଥିବା ରାଇକିଆ ରେଞ୍ଜର ମାଣିକେଶ୍ୱରୀ ପଟ୍ଟନାୟକ ସୂଚନା ଦେଇଛନ୍ତି ।
