ନୂଆଗାଁ : ନୟାଗଡ଼ ଜିଲ୍ଲା ନୂଆଗାଁ ବ୍ଲକ କୋରଡ଼ା ଗ୍ରାମ ପଞ୍ଚାୟତ ମଧ୍ୟରେ ସାଂସ୍କୃତିକ କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ଅଞ୍ଚଳର ପୁରାତନ ପରମ୍ପରା କୋରଡ଼ା ଗଡ଼ ଲଙ୍କାପୋଡି ମହୋତ୍ସବ ଓ ପଲିଶ୍ରୀ ମେଳା ବହୁ ଆବାହନ କାଳରୁ ହେଉଅଛି । ଚଳିତ ବର୍ଷ ଏହି ଉତ୍ସବ ଅତି ଆଡ଼ମ୍ବର ଭାବରେ ଚାରି ଦିନ ଧରି ପାଳନ ହେବ । ଏହି ମହାତ୍ସବ ଅଞ୍ଚଳର ସମସ୍ତ ବୁଦ୍ଧିଜୀବୀଙ୍କ ଉପସ୍ଥିତିରେ ଉଦଘାଟିତ ହୋଇଥିଲା ପଲିଶ୍ରୀ ମେଳା ଓ ମହୋତ୍ସବ ।
ସନ୍ଧ୍ୟାରେ ପାରମ୍ପରିକ ଭାବରେ ଉଦଘାଟନୀ ସଭା ଅନୁଷ୍ଠିତ ହୋଇଥିଲା । ନୂଆଗାଁ ବ୍ଲକ ଅଧ୍ୟକ୍ଷାଙ୍କ ପ୍ରତିନଧି ସଂକର୍ଷଣ ବେହେରା, ଗୋଲେଖ ଗୋଛାୟତ, ସଭାପତି ମହୋତ୍ସବ କମିଟି, ଗ୍ରାମର ସଭାପତି, ସମ୍ପାଦକ, ନିରୁପମା ପାତ୍ର କୋରଡ଼ା ସରପଞ୍ଚ , ଅବସର ପ୍ରାପ୍ତ ସରକାରୀ କର୍ମଚାରୀ ବସନ୍ତ ମିଶ୍ର, ଅବସର ପ୍ରାପ୍ତ ପ୍ରଧାନ ଶିକ୍ଷକ ମଦନ ମୋହନ ପ୍ରଧାନ ପ୍ରମୁଖ ଉପସ୍ଥିତ ରହି ଉଦଘାଟିତ କରିଥିଲେ ।
