ସୁବର୍ଣ୍ଣପୁର: ଜିଲ୍ଲାର ନୂତନ ପେନସନଭୁକ୍ତ (ଏନପିଏସ) ଶିକ୍ଷକ ସଂଘ ତରଫରୁ ସଂପାଦକ ଲାଲବାବୁ ସେଠୀଙ୍କ ଅଧ୍ୟକ୍ଷତାରେ ଜିଲ୍ଲାର ଶିକ୍ଷା ବିଭାଗରେ ଖୁବ ସଚ୍ଚୋଟତାର ସହ ନିଜ କର୍ତ୍ତବ୍ୟ ସଂପାଦନ କରି ସମସ୍ତଙ୍କର ପ୍ରିୟଭାଜନ ଥିବା ସୋନପୁର ବ୍ଲକ ଶିକ୍ଷାଅଧିକାରୀ କାର୍ଯ୍ୟାଳୟର ମୁଖ୍ୟ କିରାଣୀ ସ୍ୱପ୍ନେଶ୍ୱର ନାଗ ଓ ମହାରାଜା ହାଇସ୍କୁଲର ବରିଷ୍ଠ ଖେଳ ଶିକ୍ଷକ ରଘୁନାଥ ଥନାପତିଙ୍କୁ ସଂଘର କାର୍ଯ୍ୟାଳୟ ଠାରେ ଅବସରକାଳୀନ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଏକ ଭାବବିହ୍ୱଳ ପରିବେଶରେ ଅନୁଷ୍ଠିତ ହୋଇଥିବା ଏହି ସଭାକାର୍ଯ୍ୟରେ ସମ୍ମାନିତ ଅତିଥି ଭାବରେ ତାରାଚାନ୍ଦ ମେହେର, କନିଷ୍ଠ ସହାୟକ ବଳଭଦ୍ର ସାହୁ ଯୋଗଦେଇ ଉଭୟଙ୍କ କର୍ମମୟ ଜୀବନରେ ସେମାନଙ୍କର କର୍ତ୍ତବ୍ୟ ପରାୟଣତାର ଭୂରିଭୂରି ପ୍ରଶଂସା କରି ଅବସର ଗ୍ରହଣପରେ ତାଙ୍କର ସୁସ୍ଥତା ଓ ଦୀର୍ଘ ଜୀବନ ତଥା ସୁଖମୟ ଜୀବନ କାମନାକରି ଭଗବାନଙ୍କ ଠାରେ ପ୍ରାର୍ଥନା କରିଥିଲେ ।ଏହି ସଭାକୁ ସର୍ବେଶ୍ୱର ପୂଜାହାରୀ ପରିଚାଳନା କରିଥିବା ବେଳେ ଚିତ୍ତ ରଞ୍ଜନ ବଣ୍ଡକି, ଅନ୍ତର୍ଯ୍ୟାମି ଝାଙ୍କର, ରଞ୍ଜନ କୁମାର ବୁଡେକ, ଅଜୟ କୁମାର ରାଉତରାୟ ପ୍ରମୁଖ ଯୋଗଦେଇ ଥିବା ବେଳେ ଶିକ୍ଷକ ନାରାୟଣ ସେଠୀ ଧନ୍ୟବାଦ ପ୍ରଦାନ କରିଥିଲେ ।
