ଖଡ଼ିଆଳ,୨୭/୫:- ନୂଆପଡା ଜିଲ୍ଲା ଖଡ଼ିଆଳ ଅଗ୍ରେସନ ଧର୍ମଶାଳା ପରିସର ମଧ୍ୟରେ ଖଡ଼ିଆଳ ପାଟଣା କ୍ଷେତ୍ରୀୟ ସମାଜର ୫୧ ତମ ବାର୍ଷିକ ଉତ୍ସବ ସୁବର୍ଣ୍ଣ ଜୟନ୍ତୀ ପାଳିତ ହୋଇଯାଇଛି । ଏହି ସଭାରେ ସମାଜର କୁଳପତି ଶମ୍ଭୁୁ କିଶୋର ଦଣ୍ଡସେନା ଅଧକ୍ଷତା କରିଥିବାବେଳେ ମୁଖ୍ୟଅତିଥି ରୂପେ ଶଙ୍କର ପାଟିଦାର ଯୋଗ ଦେଇ ମହିଳାଙ୍କ ଶିକ୍ଷା ଉପରେ ଗୁରୁତ୍ୱ ଦେଇ ସମାଜର ସାମୁହିକ ବିବାହ ଉତ୍ସବ ଅନୁଷ୍ଠିତ କରିବାକୁ ଆହ୍ୱାନ କରିଥିଲେ । ପ୍ରତ୍ୟେକ ଦମ୍ପତିଙ୍କ ୧୧୦୦୦/- ଟଙ୍କା ସହାୟତା ପ୍ରଦାନ ପାଇଁ ପ୍ରତିଶ୍ରୁତି ଦେଇଥିଲେ । ମୁଖ୍ୟବକ୍ତା ରୂପେ ଡ଼ଃ. ବାଇମନୁ ଚର୍ଚ୍ଚି ଯୋଗ ଦେଇଥିଲେ । ସମ୍ମାନିତ ଅତିଥି ରୂପେ ,ଉତ୍କଳ ବିକାଶ ପରିଷଦ ଅଧକ୍ଷ ବସନ୍ତ ଚରଣ ସ୍ୱାଇଁ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସମ୍ମାନିତ ବକ୍ତା ରୂପେ ଆଇନଜୀବୀ ବିଭୁଦତ୍ତ ଚଲାନ, ଅତିଥି ରୂପେ ରାଜା ସାହେବ ଦେବ ଦେବ ସିଂ ଦେଓ, ବଂଶୀଧର ନାଏକ ଯୋଗ ଦେଇଥିବାବେଳେ କୁଳ ସଚିବ କିଶୋର କୁମାର ନାଏକ ମଞ୍ଚାସୀନ ହୋଇ ସୁଚିନ୍ତିତ ମତାମତ ଦେଇଥିଲେ । ସଙ୍ଗଠକ ପରମେଶ୍ୱର ବାରିକ ସୁବର୍ଣ୍ଣ ଜୟନ୍ତି ପାଳନ ପାଇଁ ସମସ୍ତ ଅଞ୍ଚଳବାସୀଙ୍କୁ ଆହ୍ୱାନ କରିଥିଲେ ।
