ନବରଙ୍ଗପୁର:- ସ୍ଥାନୀୟ ପ୍ରକାଶ ସମ୍ମିଳନୀ କକ୍ଷରେ ନବରଙ୍ଗପୁର ପ୍ରିମିଅର ଲିଗ ନିମନ୍ତେ ଖେଳାଳି ନିଲାମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ନିଲାମୀ କାର୍ଯ୍ୟକ୍ରମରେ କଳିଙ୍ଗ ୱାରିୟର୍ସ, ନବରଙ୍ଗପୁର ରାଇଜିଙ୍ଗ ଟାଇଟାନ, ଜୟପୁର ଷ୍ଟ୍ରାଇକର, ସନସାଇନ ସୁପରକିଙ୍ଗ, ଟି ତାଜ, ସନସାଇନ ବ୍ଲାଷ୍ଟର ପ୍ରମୁଖ ଛଅଟି ଦଳ ଅଂଶ ଗ୍ରହଣ କରିଥିଲେ । ଏଥିରେ ମାଲକାନଗିରିର ଦିନେସ ହଲବା ମୋଟ ୧୧୩୦୦, ପି. ରୋସନ କୁମାର ୧୦୦୦୦ ଏବଂ ଆଦିତ୍ୟ ରାଉତ ୯୮୦୦ ଟଙ୍କାରେ ବିକ୍ରି ହୋଇଛନ୍ତି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଜିଲ୍ଲା କ୍ରୀଡା ତଥା କ୍ରିକେଟ ସଙ୍ଘର ସମ୍ପାଦକ ପ୍ରହଲ୍ଲାଦ ତ୍ରିପାଠୀ, ଜିଲ୍ଲା କ୍ରୀଡା ସଙ୍ଘର ଉପସଭାପତି ଏମ. ବାଲା କୃଷ୍ଣ ରାଓ, ସମାଜସେବି ପ୍ରକାଶ ତ୍ରିପାଠୀ ଯୋଗ ଦେଇଥିବା ବେଳେ ଜିଲ୍ଲା କ୍ରୀଡା ସଙ୍ଘର ସହ ସମ୍ପାଦକ ମନୋଜ କୁମାର ପଟ୍ଟନାୟକ ଏବଂ ପୂର୍ବତନ ଖେଳାଳି ପରେଶ ଜୈନ ନିଲାମୀ କାର୍ଯ୍ୟକ୍ରମ ପରିଚାଳନା କରିଥିଲେ ।
ସେହିପରି କ୍ରିକେଟ ସମ୍ପାଦକ ଅଶୋକ ନାୟକ ଓ ଏନ. ବିଜୟ ବିଡ଼ ଫର୍ମ ପୂରଣ କରିଥିବା ବେଳେ ଉତ୍ତମ ନାୟକ, ଦେବଦତ୍ତ ସାହୁ, ଜି. ଦେବ କୁମାର ରେଡ୍ଡି, ଅଶ୍ୱିନୀ ଦାସ, ଅଭିଷେକ ଦାସ, ଶୁଭ୍ରାଂଶୁ ଶେଖର, ଦେବାଶିଷ ରାଜୁ, ଦେବାଶିଷ ରାଜୁ, ଶୁଭ୍ରାଂଶୁ ଖିଲ ଏବଂ ସର୍ବେଶ୍ୱର ସାହୁ ପ୍ରମୁଖ ସହଯୋଗ କରିଥିଲେ ।
