ହରଭଙ୍ଗା,୨୮/୫:- ଗତ ୨୦୨୨-୨୩ ମାଟ୍ରିକ ପରୀକ୍ଷାରେ କୃତିତ୍ୱ ଅର୍ଜନ କରିଥିବା ବୌଦ୍ଧଜିଲ୍ଲା ହରଭଙ୍ଗା ବ୍ଲକ ଧଳପୁର ପଞ୍ଚାୟତ ଖରସଙ୍କୁଲୋଇ ଗ୍ରାମର ଦୁଇ ଜାଆଁଳା ଭାଇ ଓଁ ପ୍ରକାଶ ଓ ସତ୍ୟ ପ୍ରକାଶ ଏ-୧ ଗ୍ରେଡ଼ ରେ ଉତୀର୍ଣ୍ଣ ହୋଇ ବ୍ଲକ ଏବଂ ଜିଲ୍ଲାରେ ଗୌରବ ଆଣିଥିଲେ । ଏନେଇ ଓଡିଶା ସାମ୍ବାଦିକ ସଂଘ(ଓଜେୟୁ) ବୌଦ୍ଧ ଜିଲ୍ଲା ଶାଖା ପକ୍ଷରୁ ଆଜି ଏହି ଦୁଇ ଭାଇଙ୍କୁ ଧଳପୁର ପଞ୍ଚାୟତ କାର୍ଯ୍ୟାଳୟ ସଭାଗୃହ ଠାରେ ସଂଘ ପକ୍ଷରୁ ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଧିତ କରାଯାଇଛି । ଏହି ସମ୍ବର୍ଦ୍ଧନା ଉତ୍ସବରେ ବୌଦ୍ଧ ଜିଲ୍ଲା ଶାଖାର ରାଜ୍ୟ କାର୍ଯ୍ୟକାରିଣୀ ସଦସ୍ୟ-ବିଭୁଦତ୍ତ ବୋଷ, ସମ୍ପାଦକ -ଭାଗବତ ମେହେର, ବରିଷ୍ଠ ସାମ୍ବାଦିକ -ସୁକାନ୍ତ ପଟ୍ଟନାୟକ, ସୁରେନ ପ୍ରଧାନ, ସ୍କୁଲର ପ୍ରଧାନ ଶିକ୍ଷକ -କୈଳାଶ ଚନ୍ଦ୍ର ପ୍ରଧାନ, ସ୍ଥାନୀୟ ସରପଞ୍ଚ ସୁଜାତା କର୍ଣ୍ଣ ମଂଚାସୀନ ଥିବାବେଳେ ଦୁଇ କୃତି ଛାତ୍ରଙ୍କ ଭବିଷ୍ୟତ ଉଜ୍ଜଳ ଓ ଜୀବନର ଉତ୍ତୋରତ୍ତର ଉନ୍ନତି କାମନା ସଂଘ ପକ୍ଷରୁ କରାଯାଇଥିଲା । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଓଜେୟୁ ବୌଦ୍ଧ ଶାଖାର ସଦସ୍ୟ ସୁଶାନ୍ତ କୁମାର ବେହେରା, ବାସୁଦେବ ସାହୁ, ସଦାନନ୍ଦ ନାଏକ, ଶଶୀକାନ୍ତ ସାହୁ, କୁମୁଦ ଚନ୍ଦ୍ର ସାହୁ ପ୍ରମୁଖ ଉପସ୍ଥିତ ରହିଥିଲେ ।
