ଦଶପଲ୍ଲା : ମଙ୍ଗଳବାର ପ୍ରଥମ ଥର ପାଇଁ ଦଶପଲ୍ଲା ରେଳ ଷ୍ଟେସନରେ ପହଂଚିଛି ପ୍ରଥମ ରେଳ ଗାଡ଼ି । ରେଳପଥ ନିର୍ମାଣ ପାଇଁ ଆବଶ୍ୟକ ଲୁହା ରେଳ ଧାରଣା ଧରି ପହଂଚିଛି ରେଳଗାଡ଼ି ଐରାବତ । ରେଳ ଷ୍ଟେସନ ରେ ପହଞ୍ଚିବା ପରେ ଦଶପଲ୍ଲାବାସୀଙ୍କ ପକ୍ଷରୁ ଏହି ରେଳ ଗାଡ଼ିକୁ ସ୍ୱାଗତ କରାଯିବା ସହ ଦଶପଲ୍ଲାର ଆରାଧ୍ୟ ଦେବତା ଶ୍ରୀ ଶ୍ରୀ ମହାବୀରଙ୍କ ଫୁଲମାଳ ଦେଇ ପୂଜାର୍ଚ୍ଚନା କରାଯାଇଥିଲା । ରଥଯାତ୍ରା ପୂର୍ବରୁ ଦଶପଲ୍ଲା ରେଲ ଷ୍ଟେସନରୁ ରେଳଗାଡ଼ି ଚଳାଚଳ ପାଇଁ ପ୍ରସ୍ତୁତି ଜୋର୍ ଦାର ଚାଲିଛି । ଏହାପୂର୍ବରୁ ରେଳ ଚଳା ଚଳ ପାଇଁ ଟ୍ରାଏଲ ଶେଷ ହୋଇଥିବା ବେଳେ ମଙ୍ଗଳବାର ଦିନ ରେଲ୍ ଷ୍ଟେସନରେ ରେଳ ଗାଡ଼ି ପହଞ୍ଚିଥିବାରୁ ଲୋକ ମାନଙ୍କ ମଧ୍ୟରେ ଉତ୍ସାହ ଦେଖା ଦେଇଥିଲା ।
