ପୁରୀ : ପୁରୀରେ ପୁଣି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଗୋଟିଏ ବାଇକ ସହ ସ୍କୁଟି ଧକ୍କା ହେବା ଫଳରେ ଜଣେ ଯୁବତୀଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଯୁବତୀ ଗୁରୁତର ଆହତ ହୋଇଛନ୍ତି । ଏହି ଦୁର୍ଘଟଣା ବାଙ୍କୀମୁହାଣ ରୋଡ୍ରେ ଘଟିଛି । ସ୍କୁଟିରେ ଥିଲେ ଦୁଇଜଣ ଯୁବତୀ । ବାଇକ୍ ଚଲାଉଥିଲେ ଜଣେ ଯୁବକ । ଯୁବକ ମଧ୍ୟ ଆହତ ହୋଇଛନ୍ତି । ଯୁବକ ଜଣକୁ ସମୁଦ୍ରକୂଳ ଥାନାରେ ଅଟକ ରହିଥିବା ସୂଚନା ମିଳିଛି ।
ସେହିପରି ପୁରୀ ସଦର ବାଟଗାଁ ଛକରେ ବାଇକକୁ ଧକ୍କା ଦେଇ ଓଲଟି ପଡିଛି ଏକ ବସ୍ ।ଦୁର୍ଘଟଣାରେ ବାଇକ୍ ଚାଳକ ସହ ବସ୍ରେ ଥିବା ୬ ଜଣ ଯାତ୍ରୀ ଆହତ ହୋଇଛନ୍ତି । ସମସ୍ତ ଆହତଙ୍କୁ ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିବାବେଳେ ଘଟଣା ସ୍ଥଳରେ ପୋଲିସ ପହଞ୍ଚିଛି ।
