ଖଡ଼ିଆଳ: ନୂଆପଡା ଜିଲ୍ଲା ଖଡ଼ିଆଳ ବ୍ଲକ ବାଦୀ ଗ୍ରାମ ସ୍ଥିତ ବଗିଚାରେ ନୂଆପଡା ଜିଲ୍ଲା ପ୍ରେସ କ୍ଳବର ଜିଲ୍ଲା କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଅଛି । ରାଜ୍ୟ ଏବଂ ଦେଶର ଅତି ଦୁଃଖଦ ମାହାନଗା ରେଳ ଦୁର୍ଘଟଣା ଉପରେ ଗୁରୁତ୍ୱ ଦେଇଥିଲେ । ଏହି ରେଳ ଦୁର୍ଘଟଣାରେ ୨୮୮ ଜଣ ଯାତ୍ରୀଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ଆମର ଆତ୍ମାର ସଦଗତି ନିମନ୍ତେ ଦୁଇ ମିନିଟ ନୀରବ ପ୍ରାର୍ଥନା କରିଥିଲେ । ଜିଲ୍ଲା ପ୍ରେସ କ୍ଳବ ସଭାପତି ପରମେଶ୍ୱର ବାରିକ ଅଧ୍ୟକ୍ଷତା କରିଥିଲେ । ସଭାରେ ସାଧାରଣ ସମ୍ପାଦକ ତପନ ଦାଶ ଜିଲ୍ଲା ପ୍ରେସ କ୍ଳବର ମୂଳ ଉଦ୍ଦେଶ୍ୟ ଏବଂ ମାହାନଗା ରେଳ ଦୁର୍ଘଟଣା ମୃତ୍ୟୁ ବରଣ କରିଥିବା ସମସ୍ତ ଯାତ୍ରୀଙ୍କ ଆତ୍ମା ସଦଗତି କାମନା କରିଥିଲେ । ସଭାରେ ବରିଷ୍ଠ ସଦସ୍ୟ ଅଜିତ ପଣ୍ଡା, ଚିତ୍ତରଞ୍ଜନ ସିଂ ଦେଓ, ଡ଼ଃ. ମେଜର ରାମ ଚନ୍ଦ୍ର ମିଶ୍ର, ସଂଗଠକ କୁନାଲ ଚରଣ ବେହେରା, କୋଷାଧ୍ୟକ୍ଷ ହେମନ୍ତ କୁମାର ବେହେରା ଯୋଗ ଦେଇଥିଲେ । ଉପସଭାପତି ଡେନିସ ରାୟଙ୍କ ସ୍ୱାସ୍ଥ୍ୟ ନେଇ ଆଶୁ ଆରୋଗ୍ୟ କାମନା କରାଯାଇଥିଲା । ଏହି ଅବସରରେ ବାପିନା ସାହୁ ପ୍ରେସ କ୍ଳବ ସଦସ୍ୟତା ଗ୍ରହଣ କରିଛନ୍ତି ।
