ବୌଦ୍ଧ,୨୭/୬:- ମାଉସୀ ମା ମନ୍ଦିରରେ ଚତୁର୍ଦ୍ଧାମୂର୍ତ୍ତିଙ୍କ ବେଶର ଶେଷଦିନରେ ଆଜି କଳ୍କୀ ଅବତାରରେ ଦର୍ଶନ ଦେଉଛନ୍ତି ଶ୍ରୀଜିଉ । ପ୍ରଭୁ ଶ୍ରୀଜଗନ୍ନାଥ କଳାଘୋଡାରେ ଚଢି ଖଣ୍ଡା ଧରିଥିବାବେଳେ ଶ୍ରୀବଳଭଦ୍ର ଧଳାଘୋଡାରେ ଚଢିଥିବା ଦୃଶ୍ୟ ଭକ୍ତଙ୍କୁ ଭାବବିହ୍ୱଳ କରିଦେଇଛି । ଠାକୁରଙ୍କର ମୁଖ୍ୟ ବେଶକାରୀ ବାନାମ୍ବର ମହାପାତ୍ର, କାହ୍ନୁ ଚରଣ ମିଶ୍ର, ଆଶୁତୋଷ ଦାଶ, ସୁଧିର ମହାପାତ୍ର, ଅଭିଷେକ ବିଶି, ନୀଳମଣୀ ମିଶ୍ର ପ୍ରମୁଖ ପହଡ ଭାଙ୍ଗିଲାପରେ ଠାକୁରଙ୍କୁ ଏହି ବେଶ କରିଥିଲେ । ପ୍ରଭୁଙ୍କର ଏହି ଦୁର୍ଲଭ ବେଶକୁ ଦେଖିବାପାଇଁ ଓ ପ୍ରଭୁକୃପା ଲାଭ ପାଇଁ ମାଉସୀ ମା’ ମନ୍ଦିରରେ ଆଜି ବୌଦ୍ଧ ତଥା ଆଖପାଖ ଅଞ୍ଚଳରୁ ହଜାରହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ଭିଡ ଲାଗିଛି ।
