ପୁରୀ: ଆଜି ଶ୍ରୀଗୁଣ୍ଡିଚା ମନ୍ଦିରରେ ସନ୍ଧ୍ୟା ଦର୍ଶନ କଲେ ଗଜପତି ମହାରାଜା ଦିବ୍ୟସିଂହ ଦେବ । ପାଟ ମହାରାଣୀଙ୍କ ସହ ଆସି ଚତୁର୍ଦ୍ଧାମୂର୍ତ୍ତିଙ୍କୁ ଆଡ଼ପ ମଣ୍ଡପରେ ଦର୍ଶନ କରିଛନ୍ତି । ଦୀର୍ଘବର୍ଷ ପରେ ଗଜପତି ମହାରାଜା ପାଟ ମହାରାଣୀଙ୍କ ସହ ଶ୍ରୀଗୁଣ୍ଡିଚା ମନ୍ଦିର ଆସିଥିବାରୁ ସେବାୟତ ଓ ଭକ୍ତଙ୍କ ମହଲରେ ଆନନ୍ଦ ଓ ଉତ୍ସାହ ଦେଖାଦେଇଛି । ଯେହେତୁ ରାଜା ଇନ୍ଦ୍ରଦ୍ୟୁମ୍ନ ଏହି ନବମୀ ତିଥିରେ ମହାପ୍ରଭୁଙ୍କୁ ଦର୍ଶନ କରିଥିଲେ ସେଇ ଆଧାରରେ ପ୍ରତିବର୍ଷ ନବମୀ ଦର୍ଶନ ପ୍ରଚଳିତ ହୋଇଆସୁଛି । ତେଣୁ ଗଜପତିଙ୍କର ଏହି ଦର୍ଶନକୁ ଅପୂର୍ବ ବୋଲି ଅଭିହିତ କରିଛନ୍ତି ଗବେଷକ ।
